Por, bërja fakt se fundi nga kompania konçesionare ka ngjallur diskutime të mëdha mes grupimesh të ndryshme dhe ekspertëve në fushën e ekonomisë.
Kamionët (të cilët kanë tarifën më të lartë 12 euro) kanë qarkulluar këto ditë në rrugë me tabela ku kundërshtojnë dhe ironizojnë qeverinë shqiptare për këtë taksë.
Këtë fundjavë, një grupim nga qyteti i Kukësit, pa ndikim politik, bëjnë thirrje për një protestë afër tunelit, përmes të cilës kërkojnë të mos aplikohet kjo taksë.
Ministri i Infrastrukturës së Kosovës Pal Lekaj e ka kundërshtuar taksën gjithashtu, krahas operatorëve të tjerë ekonomikë në Kosovë, duke theksuar se kjo taksë do të frenojë tregtinë mes dy vendeve pasi është e papërballueshme për operatorët ekonomikë apo turistët.
Kujtojmë se me gjithë rritjen ndër vite, shkëmbimet tregtare mes dy vendeve vijojnë të mbeten të ulëta, mesatraisht 5% e shkëmbimeve tregtare.
Kundërshtimet e palëve ndaj aplikimit të kësaj takse shkojnë deri në apelimin e saj në Gjykatën Ndërkombëtare të Strasburgut. Oda Ekonomike e Kosovës e ka njoftuar këtë së fundi.
Kundërshtitë kryesore lidhen me mungesën e një rrugë dytësore funksionale, si alternativë për udhëtarët, dhe tarifa disa herë më e lartë se vlerësimet e ekspertëve ndërkombëtarë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
