IDEA hap konkursin e planeve të biznesit

IDEA hap konkursin e planeve të biznesit


Në mes të këtij muaji, ka hapur siparin, Projekti IDEA, konkursi i planeve të biznesit, që do të zbatojë metodologjinë CEFE për të përmirësuar shërbimet e zhvillimit të biznesit në Shqipëri.

Sfida IDEA” kombinon Trajnim, Coaching/Këshillim dhe Mentorim, dhe parashikon të trajnojë këtë vit, rreth 400 startup-e. Rrugëtimi gati një vjeçar, pritet të përmbyllet me 80 finalistë, të cilët do të prezantojnë idetë e tyre të biznesit para një jurie.

Një takim i hapur me diskutime, përshtypje, histori personale suksesi të bizneseve shqiptare, u zhvillua në Tiranë.

Drejtuesi i Projektit IDEA Z. Peter Eberhard bashkë me sipërmarrës e përfaqësues biznesi si Donika Mici, përfaqësuese e Donianna, Stephanie Sieg Menaxhere e Pergjithshme Tirana Business Park, Linda Shomo nga Easy Pay Albania dhe Koli Sinjari Drejtor Ekzekutiv i BiznesAlbania diskutuan mbi çështje të sipërmarrjes në Shqipëri, sfidat dhe mundësitë. Theksi u vu tek prirja ende e dukshme e të rinjve për t’u punësuar në institucionet publike, ndërsa sipërmarrësit me përvojë, ftuan institucionet të “injektojnë” shpirtin e sipërmarrjes te të rinjtë, që në bankat e shkollës, me programe të posaçme si sipërmarrja.

Donika Mici, pronare e pesë fabrikave, u shpreh se biznesi për të ka filluar si një aventurë dhe gjatë rrugës kuptoi që duhet të ketë diversifikim. Mbështetëse e metodologjisë Ceffe, Donika gjithashtu i dërgon punonjësit e saj nëpër trajnime të ndryshme dhe beson në cilësinë që Shqipëria ofron.

Metodologjia Ceffe, që aplikohet nga projekti gjerman, parashikon pjesëmarrje të lartë të orientuar drejt veprimit, dhe aplikohet në më shumë se 70 vende të botës. Kjo metodë përfshin përvojën teorike dhe praktike për të lehtësuar zhvillimin e ideve dhe planeve të qëndrueshme të biznesit.

Stephanie Sieg shprehu pozitivitetin për mundësitë e Shqipërisë në zhvillimin e Turizmit. Faktorët të cilët i vlerëson janë vendodhja, aftësitë në gjuhët e huaja dhe pasioni e dëshira e njerëzve për të punuar.

Për Linda Shomon, “të rinjtë janë të talentuar, por ata të cilët janë shumë të aftë dëshirojnë të largohen nga Shqipëria, ndërkohë që mund të punojnë dhe të krijojnë start-up këtu. Ka nevojë për edukim të koncepteve të sipërmarrjes në vitet e hershme të shkollës’’.

Rrugëtimin e zhvilluar me këtë metodologji, e ndau edhe drejtuesja e një prej kompanive fituese në projektin e mëparshëm. “IDEA është një laborator biznesi’’, sipas drejtueses së qendrës Kallz.

Qendra Multifunksionale për Fëmijë Kallz, ishte një nga startup-et fituese në edicionin e kaluar. Përmes  trajnimit, këshillimit dhe realizimit të një plani biznesi, qendra vlerësohet të ketë fituar më shumë siguri në mbarëvajte, duke u paraprirë sfidave.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #35 - Qershor 2024

Ja si sipërmarrës të guximshëm përmes inovacionit ndikojnë industri të tëra!

 

Ky numër i revistës mund të quhet numri i dedikuar sipërmarrësve, nismëtarëve dhe inovatorëve. Atyre të cilët me guxim, këmbëngulje dhe me risi nxisin transformimin e industrive me ndikim në jetët tona. Këto përvoja, sfida, ide të reja, aplikime dhe bashkëpunime të tyre, vijnë nëpërmjet Business Mag Albania, nr. 35. 

Për ty, që po e mban në dorë këtë revistë, kemi diçka të re! Tani mund të dëgjosh me zë artikujt që lexon tek BusinessMag. 

Në partneritet me Nullius in Verba, sjellim një mënyrë revolucionare për të konsumuar përmbajtjen. Falë teknologjisë së avancuar të AI, tani mund të dëgjoni me zë artikujt tuaj të preferuar në çdo kohë dhe vend, duke ju lejuar të informoheni ndërsa jeni në lëvizje. Ky bashkëpunim inovativ pasqyron përkushtimin tonë për të mbështetur sipërmarrjen dhe zhvillimin e modeleve të suksesshme, duke sjellë përvojë të re dhe vlerë të shtuar për ju si lexues. Skano kodet QR në çdo artikull dhe shijo nga kudo që të jesh një format të ri, mundësuar nga Inteligjenca Artificiale, aplikuar nga një …

Shiko më shumë
Na ndiqni në rrjetet sociale
0