Ajo thotë se Steve Jobs i kishte dhuruar disa kompjuterë iMac popullit të Kosovës në vitet ’99. Në letrën e mëposhtme presidenti i atëhershëm i SHBA-ve, Bill Clinton falenderon Jobs-in për këtë kontribut, në një letër që daton më 3 Nëntor, 1999. Sipas burimeve thuhet se iMac-ët janë dhuruar në Bibliotekën Kombëtare.
Letra përmban shkrimin e mëposhtëm:
“Jam shumë i lumtur të mësoj për kontributin zemërgjerë të kompanisë Apple Computers kundrejt popullit të Kosovës. 27 iMac-ët që ju ofruat do të ndihmojnë në pajisjen e shtatë faqeve të internetit, duke nxitur mundësi të mëdha për rritje dhe zhvillim në vendin e Kosovës.
Forca më e madhe e vendit tonë është shpirti i komunitetit të popullit dhe duke ndihmuar popullin e Kosovës të rindërtojnë jetën e tyre, ju po vendosni një shembull të fuqishëm të dhembshurisë dhe shërbimit për kompanitë në të gjithë Amerikën.”
Bill Clinton e mbyll letrën e tij duke bërë një falenderim të përzemërt për Steve Jobs-in dhe kolegët e tij rreth angazhimit të tyre për të përmirësuar botën ku jetojmë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
