Bankat si agjenci imobiliare, mbi 200 milionë dollarë prona të sekuestruara - Business Magazine Albania

Bankat si agjenci imobiliare, mbi 200 milionë dollarë prona të sekuestruara


Bankat private janë shndërruar në pronaret më të mëdha të pasurive të paluajtshme në vend. Konstatimi vjen nga Banka e Shqipërisë, e cila ngre shqetësimin se një pjesë e madhe e pronave të sekuestruara nga kredimarrësit e këqinj nuk arrijnë të shiten në ankande duke i detyruar bankat që t’i marrin këto pasuri në pronësi të tyre.

Në raportin e fundit të stabilitetit financiar Banka vëren se, nëse në vitin 2012 bankat zotëronin prona të paluajtshme me vlerë 5 miliardë lekë, në fund të vitit të kaluar shifra arriti në 22 miliardë lekë ose gati 200 milionë dollarë.

Këto janë pasuri si ndërtesa tregtare, apartamente apo toka të bllokuara nga kreditorët, të cilët nuk kanë shlyer kredinë, dhe që bankat nuk kanë mundur t’i shesin në ankand duke u detyruar t’i marrin në pronësinë e tyre.

Banka e Shqipërisë vëren se rritja e pronave të bllokuara në pronësi të bankave i ekspozon ato para disa rreziqeve. I pari është rreziku i rënies së çmimit të këtyre pasurive gjatë kohës që mbahen nga bankat duke ulur shumën e përfituar nga shitja.

Po kështu, mbajtja e këtyre pasurive ka kosto dhe rritja e tyre sipas Bankës së Shqipërisë mund të ndikojnë negativisht likuiditetin e një banke.

 

/Top-Channel

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #35 - Qershor 2024

Ja si sipërmarrës të guximshëm përmes inovacionit ndikojnë industri të tëra!

 

Ky numër i revistës mund të quhet numri i dedikuar sipërmarrësve, nismëtarëve dhe inovatorëve. Atyre të cilët me guxim, këmbëngulje dhe me risi nxisin transformimin e industrive me ndikim në jetët tona. Këto përvoja, sfida, ide të reja, aplikime dhe bashkëpunime të tyre, vijnë nëpërmjet Business Mag Albania, nr. 35. 

Për ty, që po e mban në dorë këtë revistë, kemi diçka të re! Tani mund të dëgjosh me zë artikujt që lexon tek BusinessMag. 

Në partneritet me Nullius in Verba, sjellim një mënyrë revolucionare për të konsumuar përmbajtjen. Falë teknologjisë së avancuar të AI, tani mund të dëgjoni me zë artikujt tuaj të preferuar në çdo kohë dhe vend, duke ju lejuar të informoheni ndërsa jeni në lëvizje. Ky bashkëpunim inovativ pasqyron përkushtimin tonë për të mbështetur sipërmarrjen dhe zhvillimin e modeleve të suksesshme, duke sjellë përvojë të re dhe vlerë të shtuar për ju si lexues. Skano kodet QR në çdo artikull dhe shijo nga kudo që të jesh një format të ri, mundësuar nga Inteligjenca Artificiale, aplikuar nga një …

Shiko më shumë
Na ndiqni në rrjetet sociale
0