Zv.Presidenti amerikan Biden deklaroi se klasa e mesme është shtylla kryesore e ekonomive dhe demokracive. “Kompanitë duhet t’i trajtonë punonjësit si aksionerë,”- tha Biden para drejtuesve të korporatave të mëdha. Këto kritika nga zv.presidenti amerikan vijnë pasi bizneset e mëdha i investojnë paratë e tyre në aksione dhe jo për të ardhmen.
Shumë nga njerëzit më të pasur dhe të pushtetshëm të globit, janë mbledhur në Alpet Zvicerane këtë javë për të diskutuar për problemet që shqetësojnë njerëzimin si tensionet midis shteteve dhe krizës ekonomike.
Një temë tjetër mjaft e rëndësishme që do të diskutohet janë sfidat dhe mundësitë e asaj që quhet revolucioni i katërt industrial. Ky revolucion përfshin arritjet në fushat e robotikës, inteligjencës artificiale dhe komunikimit masiv.
Shumë ekspertë druhen se vala e re e inovacionit mund të nxjerrë nga puna miliona njerëz të punësuar në industri dhe sektorin e shërbimit, megjithëse ndërkohë po shtohen punësimet në fushën e teknologjisë.
“ Kur klasa e mesme është mirë, të pasurit ecin shumë mirë dhe të varfrit kanë shkallë ku të ngjiten,” tha Joe Biden.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
