Dhoma Amerikane e Tregtise i kerkon qeverise shqiptare qe ne paketen fiskale per vitin 2016, e cila po diskutohet me grupet e interesit, te parashikoje ulje te taksave.
Presidenti Mark Crowford, ne nje interviste per Tv Klan thote se, ulja e taksave eshte alternativa e vetme qe i ka mbetur Shqiperise, per te nxitur rritjen ekonomike. Duke ulur taksat, shprehet ai, vendi do te behet me atraktiv per kompanite e huaja.
Zoti Crowford thote se ne paketen fiskale 2016 duhet te ulet norma e tatimit mbi fitimin dhe norma e tatimit mbi te ardhurat personale.
Ne kete menyre mjedisi do te behej me terheqes per kompanite e huaja, po keshtu do te çlironte edhe biznesin vendas. Pertej propozimeve te bera per t’i ulur keto taksa, Dhoma Amerikane e Tregtise, po ben nje studim per t’i propozuar vendosjen e nje tarife fikse, ne vend te tatimit mbi fitimin.
Presidenti i Dhomes Amerikane thote se jane te shumta rastet kur investitoret e kane braktisur Shqiperine, apo kane refuzuar te investojne ne vendin tone, vetem per shkak se taksat jane me te larta se ato te vendeve te rajonit.
Dhoma Amerikane i ka dorezuar Ministrise se Financave 21 kerkesat e saj per paketen fiskale 2016.
Veç te tjerash, kerkohet edhe ulja e takses se qarkullimit, e TVSH –se per Energjine Elektrike, per sektorin Fason dhe per industri te tjera nga 20% ne 6%.
Tv Klan
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
