Prej dites se diele ne mbremje serveri i Thesarit, permes te cilit shteti shqiptar kryen te gjitha pagesat nuk funksionon. Top Channel ka mesuar se, per shkak te bllokimit te tij, pjesa derrmuese e pagesave nga buxheti jane te bllokuara, nderkohe qe ne faqen zyrtare te Thesarit, pagesat e fundit jane ato te dates 3 Prill, pra qe te premten e kaluar.
Burime konfidenciale thane per Top Channel se, aktualisht Thesari kryen vetem pagesat per borxhin e jashtem, permes nje procedure te jashtezakonshme nga llogaria e Bankes se Shqiperise, ndersa te gjithe pagesat e tjera aktualisht nuk mund te realizohen.
Sipas tyre, aktualisht serveri eshte marre nga ekspertet e Agjencise Kombetare te Shoqerise se Informacionit, pas deshtimeve per rivenien ne funksion te tij. Top Channel kontaktoi me Agjencine Kombetare te Informacionit, por kjo e fundit refuzoi te komentoje mbi kete çeshtje.
Nga ana tjeter, Top Channel kontaktoi edhe me Ministrine e Financave, e cila konfirmoi zyrarisht se serveri nuk eshte ne pune per momentin, por e motivoi kete me shpernguljen fizike te tij nga nje ambient ne nje tjeter me te sigurt, duke mohuar qe te kete difekt. Zyrtarisht, Ministria thote se nje pjese e pagesave po kryhen permes Bankes se Shqiperise dhe se, shume shpejt serveri do rivihet ne funksion.
Por çfare ka ndodhur me serverin e Thesarit?
Burimet zyrtare thane se, te dielen ne mbremje, per shkak te shkeputjes se shpeshte te energjise, dy kondicioneret qe ndihmojne ne ruajtjen e temperatures fikse ne dhomen e serverit jane djegur. Per kete shkak, temperatura eshte rritur me te pakten 10 grade me teper, duke bere qe nje nga pajisjet, qe sigurojne mbarevajtjen e serverit, i quajtur “Controller”, te pesoje edhe ai avari dhe te digjet.
Djegia e “Controller”-it ka bere qe serveri te hyje ne situaten e quajtur “safe mode”. Burimet shpjeguan se serveri eshte i paprekur, eshte i ndezur, te dhenat qe lidhen me pagesat dhe gjithe veprimet financiare te shtetit jane ne gjendje te paprekur, por djegia dhe mungesa e pajisjes “controller” ka bere qe ai te mos lidhet me asnje nga 36 deget e Thesarit, dhe te mos kryeje asnje veprim.
Sipas burimeve zyrtare, pajisja e djegur nuk gjendet ne Shqiperi, prandaj eshte porositur dhe brenda dy diteve ajo do te mberrije, ne menyre qe te rindeze ne gjendje normale dhe te vere ne funksion serverin e Thesarit te shtetit shqiptar.
Blerja dhe instalimi i nje serveri te ri ka qene nje nga kushtet e vendosura ne marreveshjen e FMN-se me Qeverine shqiptare. Afati per permbushjen e tij ishte ne Shtator te 2014-s, por siç tregon dokumenti zyrtar i FMN-se, Ministria e Financave nuk e realizoi per shkak te shtyrjes apo deshtimit te tenderit. Pas deshtimit, blerja e serverit te ri te Thesarit, i cili duhet te integrohej me ate te Tatimeve, u shty per tremujorin e pare te ketij viti. Por serish kushti nuk eshte permbushur ende.
Gazeta Tema
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
