iPhone-t e ri të Apple tanimë po përgatiten për të fituar në “betejën” e ‘thithjes’ së konsumatorëve në rajonin më të madh të përhapjes së smartphonave në botë.
Nga e Premtja, iPhone 6S u bë i disponueshëm në tregun e Indisë me një çmim fillestar prej 62,000 rupi indianë (955$), ndërsa iPhone 6S Plus nis me një çmim prej 72,000 rupi (1,109 $).
CEO i gjigandit Apple, Tim Cook, ka falenderuar konsumatorët me anë të një postimi në Twitter për radhët e gjata të pritjes në mesnatë për iPhone 6S and iPhone 6S Plus në një Apple Store në Mumbai.
Por Apple përballet me sfida të mëdhaja në Indi. Paçka se shitjet e iPhone kapërcyen në 93 % në tremujorin e dytë të këtij viti në rajon, kompania zotëron vetëm 2 % të tregut të telefonave ‘inteligjentë’ në Indi, ka thënë Reuteurs në korrik të këtij viti.
iPhone i ri mund të jetë shumë i shtrenjtë për konsumatorët indianë dhe pjesa më e madhe e rritjeve të shitjeve të iPhone-ave deri tani ka ardhur nga modelet e vjetra. Rivali i tij ‘Samsung’ dhe kompani të tjera lokale si ‘Micromax’ ofrojnë pajisje mobile me një çmim më të lirë, duke bërë për vete më tepër blerës.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
