Me Kupën e Botës FIFA 2026 që po afrohet këtë verë, LEGO ka vendosur të bëjë diçka të veçantë, duke arritur të bashkojë Lionel Messin, Cristiano Ronaldon, Kylian Mbappé dhe Vinícius Jr në një reklamë të re.
Reklama, e publikuar nga LEGO në llogarinë e saj zyrtare në Instagram të enjten, i tregon katër yjet teksa marrin radhën për të vendosur pjesë në majë të setit LEGO të Trofeut Zyrtar të Kupës së Botës FIFA. Ndërkohë që njëri përpiqet të vendosë figurën e tij në krye të trofeut të përfunduar, një tjetër ndërhyn për të vendosur mini-figurën e vet.
Trofeu LEGO është mbresëlënës, por pyetja që lind është: a do të arrijë ndonjëri prej këtyre katër yjeve të udhëheqë kombëtaren e tij drejt fitimit të Kupës së Botës reale këtë verë?
Messi dhe Mbappé janë të vendosur të shtojnë një tjetër titull në koleksionin e tyre, pasi Messi triumfoi me Argjentinën në Kupën e Botës 2022, ndërsa Mbappé e ngriti trofeun me Francën në vitin 2018.
Nga ana tjetër, Ronaldo synon të udhëheqë Portugalinë drejt triumfit të parë në një Kupë Bote, ndërsa Vinícius Jr synon të ndihmojë Brazilin të fitojë titullin e gjashtë rekord.
View this post on Instagram
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
