Warren Buffett, legjenda e Berkshire Hathaway, ka ndarë një sekret që përdorte me studentët për të ndihmuar ata të shikonin suksesin dhe pasurinë në mënyrë tjetër. Ai u kërkonte të mendonin: në një klasë me 300 studentë, nëse mund të merrnit 10% të të ardhurave të jetës së pesë prej tyre, kë do zgjidhnit dhe pse?
Lexo gjithashtu: Raporti/ Si po ndryshon Inteligjenca Artificiale mënyrën se si njerëzit përdorin dhe besojnë lajmet?
Buffett thekson se ata që zgjidhni nuk janë domosdoshmërisht më të bukurit, më të zgjuarit apo më atletikët. Por, këshilla e tij më e rëndësishme, ju mund të bëheni personi që dikush do të zgjidhte për të marrë 10% të të ardhurave të tij.
Sekreti? Të jesh një person i mirë, të lexosh shumë, dhe të shpenzosh më pak se sa fiton. Buffett paralajmëron kundër borxheve të panevojshme dhe thekson se puna e zgjuar dhe përmirësimi i vetes janë çelësi për të arritur në krye. Ai kujton partnerin e tij të gjatë, Charlie Munger, që çdo mëngjes i kushtonte një orë për të përmirësuar mendjen dhe aftësitë e tij, një strategji që ia vlejti gjatë gjithë jetës.
Mesazhi i Buffett është i qartë, të ardhmen tënde nuk ta jep askush tjetër, por mund ta ndërtosh vetë, duke marrë vendime të mençura dhe duke u përqendruar në rritjen personale.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
