MoneyGram, një rrjet global lider i pagesave për klientët, bizneset dhe komunitetet, ka lançuar një shërbim të ri ndërkombëtar të dërgesave të parave digjitale për Shqipërinë në bashkëpunim me partnerin e tij afatgjatë, AK-Invest institucion financiar me kapital tërësisht Shqiptar i konsoliduar që ofron shërbime financiare për klientët e tij në treg prej shumë vitesh, dhe eReja Institucion i Parasë Elektronike, mbështetur nga përvoja e gjatë e AK-Invest, i cili mundëson shërbime financiare plotësisht digjitale.
Klientët e MoneyGram tani mund të dërgojnë para nga mbi 200 shtete dhe territore drejtpërdrejt në portofolin digjital eReja, mundësuar nga AK-Invest. Ky avancim i partneritetit thjeshtëson dërgesat ndërkombëtare të parave për të dashurit në Shqipëri, duke ofruar një shërbim të shpejtë, të sigurt dhe me kosto të ulët për dërgesat ndërkombëtare.
Ky lançim është pjesë e misionit të digjitalizimit të AK-Invest, që përkon me qëllimet ekonomike kombëtare dhe objektivat e Bankës së Shqipërisë, duke ofruar protokolle të avancuara të sigurisë kibernetike, të implementuara bashkërisht nga institucionet përmes super-aplikacionit eReja.
Lexo edhe: Top podkastet shqiptare që frymëzojnë!
“Jemi të emocionuar për të prezantuar këtë arritje të rëndësishme,” tha Geis Çeku, CEO i eReja. “Falë bashkëpunimit tonë me MoneyGram dhe AK-Invest, po ofrojmë një sistem të shpejtë, të sigurt dhe efikas që mundëson kryerjen e transaksioneve brenda disa minutash. Kemi përmbushur misionin tonë për të bërë shqiptarët pjesë të ekonomisë globale dhe për të mundësuar akses të barabartë në shërbime financiare digjitale.”
Shërbimi i zgjeruar ngrihet mbi dy dekada të partneritetit mes MoneyGram dhe AK-Invest. Më parë, klientët e eReja mund të kryenin dërgesa ndërkombëtare brenda aplikacionit përmes rrjetit MoneyGram. Tashmë, rrjeti i MoneyGram mundëson që klientët të kryejnë pagesa ndërkombëtare për / nga Shqipëria 24/7 drejtpërdrejt nga smartfoni i tyre.
“Ky lançim është një hap i madh për evolucionin financiar digjital të Shqipërisë. MoneyGram, së bashku me AK-Invest dhe eReja, po transformon mënyrën se si shqiptarët marrin para nga çdo cep i botës – menjëherë, në mënyrë të sigurt dhe direkt në portofolin e tyre digjital,” tha Marius Dobrescu, Drejtor i Shitjeve Europiane. “Partneriteti ynë bën bashkë arritjen globale dhe inovacionin lokal për të krijuar një eksperiencë moderne dhe pa pengesa, për lëvizjen e parave që fuqizon klientët duke nxitur Shqipërinë drejt një ekonomie plotësisht digjitale.”
Për të mbështetur lançimin e shërbimit, klientët e rinj të MoneyGram Online mund të kryejnë dërgesa me 0 (zero) tarifë për transaksionin e parë, kjo deri më 28 shkurt 2026. Shërbimi është tashmë aktiv.
*Oferta me afat të kufizuar nuk është e vlefshme për transaksionet në pika fizike ose shërbime të tjera të MoneyGram. Në transaksion mund të aplikohet kurs këmbimi. Shërbimi ofrohet në zbatim të kushteve dhe rregullave.
Rreth MoneyGram
MoneyGram është një rrjet global pagesash i krijuar për të mundësuar lëvizjen e parave përtej kufijve me shpejtësi, thjeshtësi dhe besim. Platforma jonë omni-channel i mundëson klientëve, zhvilluesve dhe agjentëve të transferojnë para, monedha dhe stablecoin siç do t`ju përshtatej më mirë atyre.
Shërbejmë mbi 50 milionë klientë çdo vit në më shumë se 200 territore, me pothuajse gjysmë milioni vendndodhje për shitje dhe një ekosistem digjital që po zgjerohet shpejt, duke arritur miliarda pajisje. Si një nga emrat më të njohur dhe të besuar në pagesat globale, MoneyGram vazhdon me mundësi të reja se si lëvizin paratë — duke ndihmuar njerëzit në mbarë botën të mbështesin ata që duan dhe të ndërtojnë të ardhme më të mira.
Kontakt për MoneyGram Media
Për AK-Invest
Për eReja
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
