Platforma e njohur e diskutimeve, Reddit, ka bërë hapat e parë drejt verifikimit të profileve, duke nisur një “test të kufizuar alfa” që vendos një shenjë kontrolli gri pranë emrave të përdoruesve të njohur, si individë të shquar apo organizata.
Ky njoftim vjen pas deklaratës së Reddit këtë javë, ku theksohej se ndalimi i rrjeteve sociale për fëmijët nën 16 vjeç në Australi ishte “ligjërisht i pasaktë”.
Në një kohë kur simbolet e verifikimit në platformat kryesore shpesh lidhen me abonime të paguara, Reddit po kthehet drejt një modeli më tradicional: konfirmimi që figurat publike janë ato që pretendojnë të jenë, për të kufizuar shpërndarjen e informacionit të pasaktë.
“Ky funksion është dizajnuar për t’u ndihmuar përdoruesve të kuptojnë me kë po lidhen në momente kur verifikimi ka rëndësi, qoftë një ekspert ose personazh i famshëm, një gazetar që raporton lajme, ose një markë që ndan informacion,” shkruante Reddit në një postim në blog. Kompania theksoi se pseudonimia mbetet një element qendror i kulturës së saj dhe se verifikimi është vullnetar.
Lexo edhe: Disney arrin marrëveshjen prej 1 mld dollarësh me OpenAI për të sjellë Mickey Mouse!
Në vend që të sinjalizojë status ose prestigj, kjo shenjë synon të “shtojë qartësi për përdoruesit dhe të lehtësojë punën e moderatorëve, të cilët shpesh verifikojnë përdoruesit manualisht.”
Platforma po piloton këtë funksion me një grup të vogël profilesh dhe në zgjerimin e mëtejshëm, disa përdorues të njohur mund të mos marrin pjesë.
Gjatë kësaj faze fillestare, shenjat e kontrollit nuk do të japin privilegje të veçanta dhe llogaritë që janë NSFW ose aktive kryesisht në hapësira NSFW do të përjashtohen.
Aktualisht, kompania po verifikon këto profile manualisht, por ka plane që në të ardhmen të përdorë një proces të palëve të treta.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
