Prindërimi dhe sipërmarrja kanë më shumë ngjashmëri sesa mund të mendoni. Të dyja janë detyra me stres të lartë, orare të paparashikueshme dhe shpesh marrin pak ose aspak vlerësim. Ju përballeni me personalitete të vështira, shpenzime, dhe këshilla të pafundme se si “duhet bërë”.
Duket e pamundur të kombinosh të dyja, por ka miliona sipërmarrës që janë edhe prindër të përkushtuar. Me menaxhim të duhur të kohës dhe prioritete të qarta, mund të jeni një sipërmarrës dhe një prind i shkëlqyer njëkohësisht.
Pranoni atë që nuk mund ta ndryshoni
Çdo sipërmarrës-prind e di se dështimet do të ndodhin. Nuk ka prindër apo sipërmarrës perfekt. Të mësosh të pranosh gabimet dhe të mos kërkosh perfeksion është çelësi për të mbajtur stresin nën kontroll dhe për të vazhduar përpara.
“Ne po përpiqemi të balancojmë sa më mirë që mundemi, por topat DO të bien. Pranimi i këtij fakti ka qenë realizimi më çlirues që kam pasur ndonjëherë.” – Tracy Moore, host i CityLine
Si të gjeni kohën?
Koha dhe energjia janë burimet më të çmuara të një sipërmarrësi. Shumë shpesh punojmë shumë për biznesin dhe lëmë jetën personale si pasojë. Zgjidhja, mendoni për jetën personale si një punë dhe familjen si klientë të rëndësishëm.
Planifikimi i kohës, delegimi i detyrave dhe vendosja e prioriteteve do t’ju lejojë të fokusoheni më shumë tek gjërat që kanë rëndësi, përfshirë edhe kohën me fëmijët.
Gjeni mbështetje
Si në sipërmarrje, ashtu edhe në prindërim, nuk mund ta bëni të gjithën vetëm. Merrni ndihmë: një asistent virtual për detyrat rutinë ose një rrjet mbështetës familjar mund të bëjë mrekulli. Ju nuk jeni vetëm; shumica e sipërmarrësve janë edhe prindër, dhe komunitetet e tjera mund t’ju ndihmojnë të menaxhoni sfidat.
Përfshini fëmijët
Të përfshini fëmijët në jetën tuaj profesionale mund të jetë një eksperiencë e pasur për të gjithë. Transparenca dhe bashkëpunimi ndihmojnë fëmijët të kuptojnë vlerën e punës dhe ju japin perspektivë të re.
“Të jesh transparent me fëmijët rreth sfidave që përballemi dhe t’i përfshish në gjetjen e zgjidhjeve ka qenë jashtëzakonisht ndihmuese.” – Adi Tatarko, CEO i Houzz
Ky angazhim i vogël mund t’i ndihmojë fëmijët të zhvillojnë kureshtinë dhe pasionet e tyre, ndërsa ju mëson të menaxhoni kohën dhe energjinë tuaj më efektivisht.
Bëni stresin aleatin tuaj
Stresi nuk është gjithmonë armik. Ai është reagimi natyror i trupit për të përballuar sfida. Sipërmarrësit dhe atletët e lartë e shohin stresin si energji për produktivitet. Kur ndiheni të mbingarkuar, merrni frymë dhe përdorni stresin për të përfunduar detyrat e rëndësishme, qoftë në biznes, qoftë me fëmijët.
Definoni normalitetin tuaj
Nuk ka udhëzues të saktë për prindërim apo sipërmarrje. Çdo familje dhe biznes është unik. Zgjidhni prioritetet tuaja, krijoni rutina të qëndrueshme dhe qëndroni besnik ndaj tyre. Një fëmijë që mund të mbështetet tek ju është një fëmijë i sigurt, dhe një sipërmarrës i fokusuar është një sipërmarrës i suksesshëm.
“Fëmijët lulëzojnë në rutinë, kështu që krijoni dhe respektoni ritualet kryesore si darka e familjes ose ora e gjumit. Sigurohuni që ata të mund t’ju mbështeten gjatë këtyre momenteve kyçe.” – Elizabeth Saunders, CEO e Real Life E.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
