Prej një dekade në Shqipëri dhe pesë vite në drejtimin e zyrës së Anadolu Medical Center në Tiranë, Merve Akınoğlu është bërë ura që lidh pacientët shqiptarë me një nga spitalet më të njohura të Turqisë. Me një përkushtim të thellë njerëzor dhe profesional, ajo tregon se çdo histori pacienti është një mision për t’u ndihmuar me kujdes, empati dhe transparencë.
“Modeli ynë i biznesit bazohet në krijimin e një ure bashkëpunimi midis pacientëve dhe Anadolu Medical Center në Turqi,” shpjegon Merve Akınoğlu. Zyra në Tiranë ofron këshillim mjekësor falas, koordinim të planit të trajtimit dhe të mjekëve, si dhe mbështetje për akomodim e transport, duke garantuar që çdo pacient të ndihet i sigurt dhe i informuar në çdo hap të procesit.
Në departamentin ndërkombëtar të spitalit punojnë 180 profesionistë, një numër që e pozicionon Anadolu Medical Center ndër spitalet më të organizuara në rajon. Ky staf i gjerë siguron cilësi të lartë dhe kujdes individual për çdo rast.
Turqia është bërë një qendër rajonale për trajtimet mjekësore të avancuara, duke ofruar standarde evropiane me çmime 35–50% më të ulëta se vendet e BE-së. “Kjo diferencë nuk ndikon në cilësi,” – thekson Akınoğlu, “sepse teknologjia moderne dhe përvoja e gjatë e mjekëve tanë garantojnë rezultate të shkëlqyera.”
Që prej hapjes së zyrës në Tiranë, Anadolu Medical Center ka ndihmuar rreth 1,000 pacientë nga Shqipëria, Kosova dhe Maqedonia e Veriut, kryesisht në fushat e onkologjisë, ortopedisë, kirurgjisë së trurit, fertilitetit (IVF) dhe kirurgjisë plastike. Një nga shërbimet më delikate e të suksesshme mbetet edhe transplanti i palcës së kockës.
Lexo edhe: Limassol, Qipro – Një perspektivë e re mbi zhvillimin strategjik të turizmit
Një element që e dallon Anadolu Medical Center është bashkëpunimi i tij me Johns Hopkins Medicine në SHBA. “Ky partneritet na lejon të ofrojmë trajtime sipas standardeve ndërkombëtare, ku ekspertët amerikanë përfshihen edhe në konsultime mjekësore të specializuara,” shpjegon Merve. Zyra në Tiranë është përfaqësia zyrtare e këtij rrjeti, duke mundësuar komunikim të drejtpërdrejtë dhe të sigurt mes pacientëve dhe mjekëve.
Sipas Merves, një nga sfidat më të mëdha në këtë sektor është mungesa e informacionit të saktë dhe besimit. “Shumë pacientë kanë frikë nga ideja e trajtimit jashtë vendit. Ne mundohemi t’i udhëzojmë me transparencë dhe t’i ndihmojmë në gjuhën e tyre amtare, duke ofruar shërbim personal dhe mbështetje të plotë,” shton ajo.
Sot, 10–15 mijë shqiptarë udhëtojnë çdo vit drejt Turqisë për arsye mjekësore, dhe numri është në rritje. Nëse përfshihen edhe trajtimet estetike dhe dentare, shifrat janë shumë më të larta. “Në pesë vitet e ardhshme, ky treg pritet të dyfishohet,” parashikon Merve Akınoğlu. Ajo beson se kombinimi i cilësisë, teknologjisë moderne dhe kujdesit njerëzor do ta bëjë Turqinë dhe Anadolu Medical Center një pikë referimi për pacientët nga i gjithë rajoni. Në fund, Merve ndan arsyen pse e do punën e saj: “Unë jam njeri që gëzohet kur ndihmon të tjerët. Nuk ka ndjenjë më të bukur sesa të shohësh dikë që rikuperohet, që rifiton shpresën dhe jetën falë kujdesit që i kemi ofruar.”
Rruga Kristo Luarasi – Kompleksi Lake View, C Bloc, Kati 4
Kontakt: +355 68 563 6468
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto