Mektrin sjell në Shqipëri kantierin italian Sacs Tecnorib

Mektrin prezanton për tregun shqiptar dhe rajonal kantierin italian Sacs Tecnorib, një prej emrave më të njohur ndërkombëtarisht në botën e mjeteve lundruese luksoze. Themeluar në vitin 1989, Sacs është kompania që solli konceptin Maxi Rib, duke e ngritur kategorinë e mjeteve lundruese nga mjete funksionale në mjete që ofrojnë performancë, komoditet dhe luks të krahasueshëm me një jaht.

Në vitin 2005, Sacs u bashkua me kompaninë Tecnorib duke krijuar Sacs Tecnorib, një kantier që përfaqëson ekselencën italiane në botën e nautikes. Sacs Tecnorib perfaqëson tre linja të dallueshme: Strider, me modelet klasike që variojnë nga 7 deri në 18 metra; Rebel, një gamë inovative që kombinon karakterin e gomones me luksin e një jahti, nga 14 deri në 20 metra; dhe Pirelli, fryt i partneritetit me markën ikonë Pirelli, ku bashkohen tiparet e një day cruiser-i, center console-i dhe gomones luksoze dhe së fundmi Jet Tender, një linjë mjetesh ndihmuese me një dizajn unik. Ky diversitet e ka bërë Sacs Tecnorib një nga kantieret më të respektuar në industrinë ndërkombëtare të mjeteve lundruese.

Çdo model i Sacs është një produkt i mjeshtërisë italiane të kombinuar me teknologjinë më të avancuar dhe një dizajn unik nga Christian Grande. Koleksionet Strider dhe Rebel njihen si simbole të komoditetit dhe sigurisë në det, duke i dhënë markës një reputacion që shtrihet shumë përtej kufijve të Italisë.

Për klientët shqiptarë, prania e Sacs Tecnorib përmes Mektrin sjell akses të drejtpërdrejtë të këtyre modeleve, të gjitha të mbështetura me garanci 2-vjeçare dhe shërbim teknik të specializuar, i ofruar në bashkëpunim të ngushtë me zyrën teknike të kantierit në Itali.

Me ardhjen e Sacs Marine, Shqipëria përfshihet më fuqishëm në hartën mesdhetare të nautikes, duke e sjellë luksin dhe përvojën e vërtetë italiane të detit më pranë publikut vendas dhe rajonal.