Asistentët e njohur të shfletimit me inteligjencë artificiale (AI) mund të mbledhin të dhëna shumë të ndjeshme si informacion bankar, regjistra akademikë dhe madje edhe numra taksash nga faqet private, sipas një studimi të ri.
Hulumtuesit nga Mbretëria e Bashkuar dhe Italia testuan 10 nga shfletuesit më të përdorur me AI, duke përfshirë ChatGPT të OpenAI, Copilot të Microsoft dhe Merlin AI, një shtesë për Google Chrome në detyra publike si blerjet online, si dhe në portale private si ato të shëndetit në universitet. Ata gjetën prova se të gjithë asistentët, përveç Perplexity AI, mbledhin të dhëna për përdoruesit dhe i përdorin për të personalizuar shërbimet e tyre, gjë që mund të shkelë rregullat e privatësisë.
“Këta asistentë AI operojnë me akses të paprecedent ndaj sjelljes online të përdoruesve në fusha të jetës që duhet të mbeten private,” tha Anna Maria Mandalari, autore e studimit dhe profesoreshë asistente në University College London. “Edhe pse ofrojnë lehtësi, rezultatet tona tregojnë se kjo shpesh bëhet me koston e privatësisë së përdoruesit … dhe ndonjëherë në shkelje të ligjeve të privatësisë ose të termave të shërbimit të kompanive.”
Studimi tregoi se disa mjete, si Merlin dhe Sider, nuk ndalojnë regjistrimin e aktivitetit kur përdoruesit hyjnë në hapësira private, duke transmetuar për shembull përmbajtjen e plotë të faqes në serverët e tyre. Në rastin e Merlin, u kapën të dhëna të bankës online, regjistra akademikë dhe shëndetësorë, dhe madje edhe numra sigurimi shoqëror nga faqet e taksave amerikane.
Lexo edhe: TikTok sfidon “fake news” me shënime komunitare – a funksionon vërtet ky model?
Disa shtesa të tjera, si Sider dhe TinaMind, ndanë promptet dhe informacionet identifikuese, përfshirë adresën IP, me Google Analytics, duke mundësuar “ndjekje të mundshme ndër-faqesh dhe targetim reklamash”. Në shfletuesit Google, Copilot, Monica dhe Sider, asistenti ChatGPT bëri supozime mbi moshën, gjininë, të ardhurat dhe interesat e përdoruesit, duke personalizuar përgjigjet në disa sesione shfletimi.
Studimi sugjeron se këto praktika mund të shkelin rregullat e mbrojtjes së të dhënave të BE-së, si Rregullorja e Përgjithshme e Mbrojtjes së të Dhënave (GDPR). Politikat e privatësisë të Merlin dhe Sider përfshijnë mbledhjen e emrave, të dhënave të kontaktit, kredencialeve, historikut të transaksioneve dhe informacionit të pagesave për të personalizuar përvojën e përdoruesve dhe për të ofruar mbështetje.
Mandalari thekson: “Nuk ka mënyrë për të ditur se çfarë ndodh me të dhënat tuaja të shfletimit pasi janë mbledhur.”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
