Presidenti Donald Trump, në prani të CEO-s së Apple, Tim Cook, njoftoi nga Zyra Ovale vendosjen e një tarife 100% për çipat e importuar në Shtetet e Bashkuara. Masa do të prekë shumicën e kompanive teknologjike, përveç atyre që kanë investime të konsiderueshme në prodhimin vendas – mes tyre edhe Apple.
Tim Cook konfirmoi se gjiganti i teknologjisë do të investojë edhe 100 miliardë dollarë në SHBA për të mbështetur prodhimin kombëtar, një shifër që presidenti Trump e vlerësoi si shembull të angazhimit që kërkohet për të përfituar nga përjashtimi i tarifës.
Lexo edhe: Trump kërkon dorëheqjen e kreut të Intel, duke e akuzuar për lidhje me Kinën
Një pjesë e këtij investimi do të financojë ndërtimin e një fabrike të re në Kentucky, të drejtuar nga kompania Corning – furnizuesi i xhamit për iPhone që prej vitit 2007. Fabrika do të prodhojë xham për modelet e ardhshme të telefonëve Apple.
Megjithatë, Apple nuk ka plane afatshkurtra për të prodhuar vetë iPhone në Shtetet e Bashkuara.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
