Bota digjitale nuk ndalet, dhe as AllWeb!
Më 6 nëntor, konferenca më e madhe e marketingut dhe inovacionit digjital në rajon rikthehet në Tiranë për të tetin vit rradhazi, duke bashkuar profesionistë, krijues, strategë dhe inovatorë për të diskutuar çfarë po vjen më pas në botën e biznesit, medias dhe teknologjisë.
AllWeb 2025 nuk është thjesht një konferencë. Është një përvojë e plotë. Këtë vit, konferenca të sfidon të angazhohesh plotësisht me atë që ka më shumë rëndësi:
All Attention | All Content | All Creative | All Business | All AI!
“Çdo vit shtrojmë pyetjen: çfarë po formëson peizazhin digjital? Këtë vit, përgjigjja është e qartë: AI, përmbajtja, kreativiteti dhe strategjia. Prandaj kemi ndërtuar AllWeb 2025 mbi njerëzit dhe idetë që po udhëheqin këtë ndryshim,” – thotë Gerti Boshnjaku, bashkë-organizator i konferencës.
Lexo edhe:Konferenca Allweb, mbi 300 pjesëmarrës nga marketingu, shitja dhe sipërmarrja
Nga AI gjeneruese dhe krijimi i përmbajtjes, te transformimi digjital, media & PR, SEO & analitika, e deri te strategjia e biznesit, temat e këtij viti eksplorojnë mjetet dhe prirjet që po ndryshojnë mënyrën si krijojmë, marketojmë dhe rritemi. Pjesëmarrësit do të kenë mundësi të dëgjojnë zëra nga mbarë bota, nga SHBA-ja, Europa Perëndimore dhe Lindore , të cilët do të ndajnë njohuri të thella për tregjet globale dhe ato rajonale.
“Nuk bëhet fjalë për të parë të ardhmen nga larg, por për ta ndërtuar atë, në mënyrë kreative, vizuale dhe inteligjente. AI gjeneruese është vetëm fillimi,” – thotë Darko Buldioski, bashkëthemelues i AllWeb dhe drejtor programi i konferencës.
AllWeb në shifra:
- 235+ folës dhe panelistë kanë marrë pjesë në skenën e AllWeb
- 3500+ pjesëmarrës ndër vite
- 120+ brande partnere kanë mbështetur misionin
- 2000+ artikuj mediatikë kanë dokumentuar përvojën AllWeb
- Folësit e parë të konfirmuar dhe të gjitha detajet e tjera janë në dispozicion në faqen zyrtare të konferencës.
Një rikujtesë e shkurtër mbi AllWeb 2024:
Ruani datën në kalendar: 6 nëntor. Tiranë. AllWeb.
Sepse ta humbasësh? Nuk është opsion.
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
