Presidenti i Shteteve të Bashkuara, Donald Trump, ka pritur në Shtëpinë e Bardhë familjen shqiptare Xhaferi, në kuadër të nismës humanitare të organizatës “Make-A-Wish Foundation”, e cila i kushtohet fëmijëve dhe personave me aftësi të kufizuara.
Në këtë takim emocional, Trumpi shprehu vlerësim të veçantë për djalin e madh të familjes, i cili është në karrige me rrota. Presidenti amerikan theksoi se djali përbën frymëzim për shumëkënd.
Takimi i organizuar në kuadër të kësaj nisme të njohur, që mbështet fëmijët dhe individët me aftësi të kufizuara, u shoqërua me një moment tepër emocionues. Trumpi lavdëroi djalin e Xhaferëve për forcën dhe frymëzimin që ai përçon për të tjerët, duke e cilësuar si një shembull të jashtëzakonshëm të guximit.
Në një gjest prekës, Presidenti i dhuroi djalit një monedhë simbolike presidenciale, si kujtim të këtij takimi të paharrueshëm. “Mos e humb këtë, shok,” i tha Trumpi djalit, duke e buzëqeshur me ngrohtësi, ndërsa ai e pranoi dhuratën me emocion të thellë.
Në një moment tjetër, dëgjohet Trumpi duke i thënë motrës së djalit: “Ai është një vëlla i mirë”, duke theksuar vlerat e familjes dhe forcën e lidhjeve mes anëtarëve të saj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
