Vlera e importit të veturave nga Koreja e Jugut është rritur shumë viteve të fundit në Kosovë. Vlera e importit të këtyre veturave në vitin 2023 ishte mbi 9 milionë euro ndërsa në vitin 2024 shifra ka arritur të 69 milionë euro. E, në vitin 2021 vlera e importit të tyre ishte vetëm 46 mijë euro.
Rrugëve të Kosovës s’i kurrë më parë nuk ka pasur më shumë vetura nga Koreja e Jugut. Importi i tyre nga ky shtet i largët është rritur me një hov të madh gjatë vitit që lamë pas. Nga Dogana e Kosovës kanë treguar se vetëm përgjatë vitit 2024, në Kosovë janë importuar 5 mijë e 102 vetura nga Koreja e Jugut, me vlerë totale prej 69 milionë e 242 mijë eurove.
“Prej këtyre veturave të importuara, Dogana ka marrë 6 milionë e 806 mijë euro taksë doganore; 2 milionë e 849 mijë euro janë paguar akcizë dhe 14 milionë e 722 euro TVSH”.
Kjo shifër sipas Doganës është shumë e lartë na krahasim me vitet paraprake. “Vlera e importit të këtyre veturave në vitin 2023 ishte mbi 9 milionë euro ndërsa në vitin 2024 shifra ka arritur të 69 milionë euro. Në vitin 2021 vlera e importit të veturave nga Koreja ishte vetëm 46 mijë euro”. Për zhdoganimin e këtyre veturave Dogana e Kosovës ka marr edhe një vendim, duke bërë që veturat nga Koreja e Jugut do të doganohen në bazë të çmimit të blerjes
Lexo edhe: Emigracioni, alarm për zbrazjen demografike, bie shtesa natyrore e popullsisë
Vendimi i Doganës së Kosovës u mor pas ankesave të shumta nga importuesit dhe qytetarët për mbivlerësim të këtyre veturave.
“Ky udhëzim parasheh që në situata të caktuara, kur rrethanat objektive dhe dokumentacioni i vlefshëm e lejojnë, të përdoret metoda e vlerësimit me të dhënat në dispozicion, duke harmonizuar çmimet e automjeteve nga Koreja me ato të katalogut të tregut evropian përmes një devijimi të pranuar të vlerës, e cila njeh karakteristikat e tregut dhe bazohet në një analizë të mirëfilltë të profesionistëve të Doganës së Kosovës”. Veturat koreane kanë çmim më të ulët sesa ato evropiane për shkak të masave të Qeverisë koreane për t’i nxitur qytetarët e saj për të kaluar në vetura elektrike.
Tregu i veturave në Kosovë ka qenë i orientuar kryesisht drejt importeve nga Evropa, por së fundmi shumë blerës po shqyrtojnë alternativat nga Koreja e Jugut. Ministria e Punëve të Brendshme ka treguar se aktualisht janë 490 mijë e 86 automjete të regjistruara në Kosovë. Përveç numrit të madhe, befasuese është shifra e automjeteve të reja që janë regjistruar gjatë vitit të kaluar. “Brenda vitit 2024 janë regjistruar 330 mijë e 795, në këtë numër është i përfshirë edhe vazhdimi i regjistrimit të automjeteve që akullojnë’. Kurse, vetëm regjistrime të reja të regjistruara janë mbi 40 mijë vetura të reja”. Marka më e preferuar e qytetarëve të Kosovës vazhdon të jetë Wolswagen, pasi se të tilla rragëve të Kosovë qarkullojnë 144 mijë e 223 automjete.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
