OpenAI, kompania pas ChatGPT, është vënë në qendër të kritikave pasi përdoruesit anembanë internetit kanë shprehur pakënaqësinë ndaj personalitetit të ri të modelit më të fundit, GPT-4o. Me një ton që shumë e përshkruajnë si “pozitivitet toksik”, chatbot-i ishte kthyer në një shok që të jepte gjithmonë të drejtë, edhe kur nuk duhej.
Lexo gjithashtu: Studimi i Cambridge: Chatbots me AI kanë një mungesë empatie dhe kjo mund të jetë e rrezikshme
“Përditësimet e fundit e bënë personalitetin shumë të bezdisshëm,” pranoi vetë CEO i OpenAI, Sam Altman, në një postim në X (ish-Twitter). Ai tha se kompania po tërhiqet nga disa prej ndryshimeve dhe po punon për të rikthyer balancën.
Reagimet e përdoruesve kanë qenë të shumta: “ChatGPT më validon çdo gjë që them, pa sens kritik,” shkroi inxhinieri i softuerit Craig Weiss. Ndërsa Claire Vo, shefe e produktit në një kompani teknologjie, ironizoi se “është shumë i gëzuar dhe pozitiv, duhet ta bullizosh që të jetë kritik.”
Lexo gjithashtu: Shqipëria dhe AI: Sondazh për Përdorimin e Inteligjencës Artificiale Gjenerative në Biznes
Kjo sjellje “e ëmbël deri në bezdi” erdhi si pasojë e përpjekjeve të OpenAI për ta bërë GPT-4o më inteligjent dhe të këndshëm në komunikim. Por mesa duket, ekuilibri mes miqësisë dhe vlerësimit kritik është vështirë për t’u arritur edhe për një inteligjencë artificiale.
Altman tha se rregullimet e reja u zbatuan, ndaj përdoruesit duhet të ndiejnë ndryshimin së shpejti.
Një pyetje e hapur mbetet, a duam një chatbot që na thotë gjithmonë “po, ke të drejtë” apo një që na sfidon në mënyrë të mençur?
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
