Në një moment kur të rinjtë shqiptarë po kërkojnë vendin e tyre në skenën globale, Fabian Kamberi e ka gjetur tashmë. Vetëm 25 vjeç, ai është përfshirë në listën prestigjioze të Forbes ’30 Under 30 Europe 2025′.
Kamberi është bashkëthemelues i kompanisë SLAY, një startup inovativ në Berlin që përdor inteligjencën artificiale për të krijuar aplikacione dhe lojëra që po bëjnë bujë në botën digjitale. Loja e tij më e suksesshme, Pengu, ka kapur imagjinatën e mbi 10 milionë përdoruesve, duke tërhequr një investim prej 20 milionë dollarësh nga emra të mëdhenj si Accel Ventures, Scooter Braun, Riccardo Zacconi dhe Harry Stebbings.
Lexo gjithashtu: Samir Mane, shqiptari i parë në listën e miliarderëve të Forbes
Përmes një postimi në LinkedIn, Fabiani reagoi me humor dhe modesti ndaj lajmit:
Faleminderit Forbes që përfshive ekipin e SLAY dhe mua në listën “30 Under 30”.
Meqë Cole Palmer është në të njëjtën listë, a ka mundësi të më lidhni me njërin prej futbollistëve më të fortë të momentit?
Kamberi nuk është vetëm një sipërmarrës. Ai është një arkitekt i së ardhmes digjitale, duke ndërtuar komunitete zhvilluesish në Berlin dhe lançuar platforma sociale si frfr, që kombinon AI dhe ndërveprimin e zërit në një mënyrë të paprecedentë.
Përfshirja në Forbes është një arritje që e vendos emrin e tij krah inovatorëve më të mëdhenj në Europë dhe një dëshmi se suksesi shqiptar nuk njeh kufij.
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English