Në një hap të rëndësishëm për avancimin e teknologjisë, OpenAI ka lançuar një agjent të ri AI të quajtur “Operator”, që mund të kryejë detyra të ndryshme në internet pa ndërhyrjen e përdoruesit. Ky mjet i fuqizuar nga Microsoft është në fazën e “preview-t” kërkimor dhe mund të ndërveprojë me faqe interneti për të realizuar detyra të tilla si plotësimi i formularëve, porosia e ushqimeve e deri te krijimi i meme-ve për rrjetet sociale.
Lexo gjithashtu: AI do na lërë pa punë apo do na shtojë vendet e punës?
Si funksionon Operator?
Operator përdor një model të ri të inteligjencës artificiale të quajtur “Computer-Using Agent” (CUA), që bashkon aftësitë vizuale të GPT-4, por më e avancuar për të ndërvepruar me ndërfaqet grafike të faqeve të internetit. Ky agjent AI mund të bëjë detyra që zakonisht kërkojnë përpjekje manuale, por gjithashtu edhe detyra më të ndërlikuara si përpunimi i të dhënave dhe marrja e vendimeve autonome.
Në rast se Operator has probleme gjatë kryerjes së një detyre, ai përdor aftësitë e tij për të rregulluar gabimin dhe, nëse nuk mund të eci më tej, i kthen përgjegjësinë përdoruesit.
Lexo gjithashtu: Potenciali i AI në financë në Shqipëri
Përdorimi i Operator
Përdoruesit mund t’i japin udhëzime agjentit përmes përshkrimit të detyrës që dëshirojnë të realizohet, madje edhe mund të specifikojnë udhëzime të personalizuara për faqe të veçanta si për shembull, preferencat për rezervimin e biletave të avionit. Ky agjent mund të automatizojë detyra të shumta në të njëjtën kohë, ndërkohë që për kërkesa të tilla si fjalëkalimet, informacionet për pagesa apo zgjidhjen e CAPTCHA-ve, Operator kërkon ndërhyrjen e përdoruesit.
Operator është aktualisht në dispozicion si një “preview” kërkimore për përdoruesit Pro në Shtetet e Bashkuara dhe ka plane për t’u zgjeruar për përdoruesit Plus, Team dhe Enterprise në të ardhmen. Pas përfundimit të testimeve, ai do të integrohet në platformën ChatGPT.
Ky zhvillim shënon një hap të rëndësishëm në mënyrën se si mund të automatizohen detyrat e përditshme në internet, duke e bërë përdorimin e internetit më efikas dhe më të thjeshtë për përdoruesit e zakonshëm.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
