Workshop: Si të aplikojnë Startupet dhe Sipërmarrjet në Horizon Europe! - Business Magazine Albania

Workshop: Si të aplikojnë Startupet dhe Sipërmarrjet në Horizon Europe!

Mundësi financimi për MSME në Horizon Europe!
10-12-2024 10:00:00

EU4Innovation ju fton me kënaqësi në Workshopin e Dytë mbi Programin Kuadër të BE-së: Horizon Europe

Qëllimi i këtij aktiviteti është prezantimi i mundësive ndërkombëtare të projekteve nga programi Horizon Europe dhe ofrimi i udhëzimeve praktike për aplikim, duke ndihmuar Startup-et të përfitojnë nga këto mundësi.

Workshopi do të zhvillohet më 10 dhjetor 2024, nga ora 10:00 deri në 11:30 paradite (CEST), nëpërmjet platformës Microsoft Teams.

Ky workshop është projektuar për përfaqësues të Startup-eve që merren me zhvillimin e biznesit dhe sigurimin e fondeve dhe që dëshirojnë të eksplorojnë mundësitë që ofron programi Horizon Europe. Në veçanti, aktiviteti është i përshtatshëm për pjesëmarrës nga Shqipëria që janë të rinj në aplikimet për projekte të BE-së ose që nuk kanë marrë pjesë në projekte të tilla prej kohësh.

Rreth workshop-it

Horizon Europe është programi më i madh për financimin e kërkimeve dhe inovacioneve, i mbështetur nga Bashkimi Evropian (BE). Me një buxhet prej 95.5 miliardë euro, ky program ofron mundësi të rëndësishme për ndërmarrjet mikro, të vogla dhe të mesme (NMVM).
Programi synon të adresojë sfidat globale si ndryshimet klimatike, të përgatisë Evropën për epokën digjitale, të mbështesë përmbushjen e Objektivave të Zhvillimit të Qëndrueshëm të OKB-së dhe të rrisë konkurrueshmërinë dhe zhvillimin ekonomik të BE-së.

Ndërmarrjet e vogla dhe të mesme në Shqipëri kanë të drejtë për financim nga Horizon Europe, duke i mbështetur ato për të investuar në idetë e tyre dhe për të adresuar sfida të mëdha si:

  • Ndryshimet klimatike,
  • Transformimi digjital,
  • Zhvillimi i qëndrueshëm.

Çfarë do të përfshijë workshop-i?

Workshop-i online do të ofrojë informacion të detajuar për mundësitë ndërkombëtare të projekteve në kuadër të programit Horizon Europe. Aktiviteti do të përfshijë:

  • Prezantime mbi mundësitë e projekteve dhe thirrjet e hapura,
  • Ndarjen e përvojave nga liderë të komunitetit të biznesit që kanë përfituar nga financimi,
  • Diskutime dhe ide për projekte të mundshme, si dhe identifikimin e sfidave në procesin e aplikimit.

Regjistrohu këtu

Meeting ID: 353 360 692 78

Passcode: TtfJXi

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.

Na Suporto
Must watch
Business Mag Nr. #40 – Dhjetor 2025

Ky fundvit na gjen duke festuar një dekadë nga botimi ynë i parë. Një dekadë histori, rrëfime e përpjekjesh për të qenë zëri i sipërmarrjes shqiptare, për t’i dhënë hapësirë dhe MOMENTUM çdo biznesi në rrugëtimin e tij për tu rritur e triumfuar. 

Një dekadë si dokumentim i rrugës që ka përshkruar biznesi shqiptar; një dekadë që të zhyt në refletime për çfarë ka kaluar dhe të fton të mendosh sesi do të duket ekonomia e së ardhmes. 

Ndërsa hyjmë në vitin e ri 2026, duket se për bizneset dhe vendimmarrësit një realitet i ri po bëhet më se i qartë: modeli tradicional i rritjes nuk mund të jetë më i mjaftueshëm. Perspektiva europiane e Shqipërisë, teknologjia, pritshmëritë e konsumatorëve, përgjegjësia sociale dhe ajo ambientale po i imponojnë ekonomisë një transformim të domosdoshëm. Koha kërkon një ekonomi që është njëkohësisht digjitale, inovative, por edhe e qëndrueshme. 

Në kopertinë vjen Guvernatori Gent Sejko, i cili flet për një ekonomi që rritet në një dekadë trazirash globale dhe për rolin thelbësor që luan stabiliteti financiar.

Rubrika “Green” i kthehet një prej temave më të nxehta të dekadës: energjia,  klima, ekonomia qarkulluese. Shqipëria ka qenë e bekuar me burime të riciklueshme, …

See more
Follow us
0