Oura ka njoftuar një partneritet që do të sjellë një metrikë të rëndësishme për aplikacionin e saj të unazës SMART. Bashkëpunimi me Dexcom do të integrojë të dhënat e monitorëve të glukozës në aplikacionin Oura, duke ofruar një pasqyrë më të thellë mbi shëndetin e përdoruesve. Ky lajm vjen vetëm disa javë pas lançimit të unazës së fundit Oura, Oura Ring 4.
Pajisjet Dexcom, ndjekin nivelet e glukozës gjatë ditës dhe natës, duke ndihmuar në kuptimin e niveleve të glukozës në gjak dhe informimit rreth ushqimit dhe aktivitetit. Të dhënat tregohen përmes një aplikacioni në telefonin dhe orën tuaj inteligjente.
Matt Dolan, nënkryetar ekzekutiv për strategji dhe zhvillim tha: “Dexcom ofron sisteme të biosensoreve të glukozës, që ndihmojnë në zgjedhjet e duhura të stilit të jetesës. Kjo u mundëson përdoruesve të marrin vendime për shëndetin dhe mirëqenien e tyre. Ky kombinim do të tërheqë përdorues kuriozë ndaj lidhjes midis aktivitetit, gjumit, ushqyerjes dhe niveleve të glukozës.”
Lexo edhe Apple gati për të lançuar tabletën e mençur të montuar në mur me AI
Tom Hale, CEO i Oura, shtoi: “Me këtë partneritet do të fuqizojmë anëtarët që të rregullojnë sjelljen e tyre për të pasur një ndikim pozitiv në biometrikët dhe shëndetin afatgjatë. Duke punuar së bashku, Oura dhe Dexcom do të ndihmojnë anëtarët të vendosin se çfarë dhe kur të hanë. Për shkak se njerëzit reagojnë ndryshe ndaj ushqimeve dhe aktiviteteve të njëjta, udhëzimet dhe informacionet do të jenë të personalizuara.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto