Ky është 12-vjeçari Rory Bidwell nga Britania e Madhe që ka shënuar një nivel inteligjence 162 sipas testit që kreu, më i lartë se sa Ajnshtajni që besohet se e kishte 160.
Ky është rezultati më i lartë për fëmijë ndonjëherë.
Për të, futbolli vjen përpara çdo gjëje, raporton BBC. Ai thotë se nivelin e inteligjencës që ka, dëshiron ta përdorë për bërë “diçka të madhe” në të ardhmen.
Por a do të donte të ishte një futbollist i mirë si Harry Kane apo një Ajnshtajn i ardhshëm?
“Do të doja të isha diçka në mes. Por nëse do të duhej të zgjidhja një karrierë, ndoshta do të zgjidhja futbollin. Kjo është ajo që dua. Të jesh i zgjuar është vërtetë diçka e mirë sepse ta bën jetën më të lehtë. Por unë preferoj futbollin, është jeta ime”, u shpreh 12-vjeçari.
Rory Bidwell ka luajtur futboll që në moshën 5-vjeçare dhe është pjesë e një skuadre lokale.
Atij i pëlqen gjithashtu matematika dhe anglishtja.
Testi për nivelin e inteligjencës quhet “Cattel III B” dhe përmban 150 pyetje që vlerësojnë nivelin e të kuptuarit përmes pjesëve të teksteve. Një i rritur e ka nivelin e inteligjencës 100, ndërsa rezultati mbi 100 konsiderohet të jetë gjeni.
Rezultati maksimal i nivelit të inteligjencës për të rriturit është 161 dhe 162 për fëmijët nën 18 vjeç.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
