ICTSlab është qendër rajonale e inovacionit, laborator multifunksional me fokus edukimin jo formal, e cila ka në target përgatitjen e të rinjëve për sfidat e shekullit 21. Është themeluar në Tiranë si një fryt i eksperiencës së suksesshme disa vjeçare të kompanisë ICTSmedia si dhe mbështetjes së Shoqatës Mbarëkombëtare të Teknologjisë ALBICT.
Kushtrim Shala, themelues i ICTSlab, pjesëmarrëse në Future2Tech, në një intervistë për BusinessMag u shpreh: “Qendra ICTS Lab është një qendër laboratorike që targeton fëmijët 9-14 vjeç, por edhe me programe të ndryshme që targetojnë startup-et. Dy ditët e panairit kanë qenë të mbingarkuara me njerëz të interesuar të kësaj fushe, të cilët janë adhurues dhe fansa të teknologjisë, por nuk munguan as prindër që dëshironin të integronin fëmijët e tyre në programet e kodimit, robotikës, sipërmarrjes sociale.
Në fakt, njerëzit janë përtej pritshmërive kuriozë, sepse kemi të bëjmë me një brez i cili është rritur në kohën e teknologjisë dhe ndryshe nga ne, që duam një shpjegim më i detajuar për ta kuptuar të gjitha ndryshimet që po pëson globi nga revolucioni i 4 industrial, fëmijët nuk kanë nevojë për intro, por ata përfshihen menjëherë dhe janë të gatshëm ta përthithin informacionin lehtë.
Fëmijët integrohen në mënyrë shumë të shpejtë dhe rezultati është i menjëhershëm, sepse edhe kurrikula të cilën ne ofrojmë është një kurrikul që ne e quajmë “learning by having fun” dhe kjo e bën eksperiencën e të mësuarit përmes kësaj mënyre, të paharrueshme, por me kuptim.
Lexo edhe:Run for DSA në Maratonën e Tiranës
Ky panair ishte një mundësi shumë e mirë për t’u integruar me aktorë të ndryshëm të ekosistemit për të komunikuar me njëri tjetrin, por është shumë e rëndësishme që publiku i gjerë, ashtu siç ndodh me panaire të ndryshme komerciale tregtare, ku ka vizitorë, apo edhe panairi i librit ku ka vizitorë të ndryshëm, është e rëndësishme që edhe publiku i gjerë të vijë dhe të informohet rreth trendeve të teknologjisë, rreth pajisjeve, metodave të reja të edukimit, mundësitë për të rinjtë të marrin pjesë nëpër kompeticione apo programe të ndryshme startup-esh.
Është e rëndësishme, sepse teknologjia nuk është më një opsion, është një aftësi që do të na duhet të jetojmë me të, ashtu siç mësohemi të jetojmë edhe me të mësuarit e gjuhës shqipe, matematikës etj, pra ndër ato njohuri që në një të ardhme të afërt do të jetë e domosdoshme”- përfundoi z.Shala.
Më poshtë gjeni edhe intervistën në YouTube:
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
