Disa nga teleskopët kryesorë astronomikë në botë janë përballur me sulme kibernetike që kanë rezultuar në mbyllje të përkohshme.
Laboratori Kombëtar i Kërkimeve të Astronomisë Optike-Infra të kuqe të Fondacionit Kombëtar të Shkencës, ose NOIRLab, raportoi se një incident i sigurisë kibernetike që ndodhi më 1 gusht e ka shtyrë laboratorin të ndalojë përkohësisht operacionet në teleskopin e tij “Gemini North” në Hawaii dhe Teleskopin Gemini South në Kili. Teleskopë të tjerë më të vegjël në Cerro Tololo në Kili gjithashtu ishin prekur nga sulmet kibernetike.
Lexo edhe:Inteligjenca artificiale mund të zbulojë fjalëkalimet nga tingulli i shtypjes së tasteve
“Stafi ynë po punon me ekspertë të sigurisë kibernetike për t’i rikthyer të gjithë teleskopët e prekur dhe faqen tonë të internetit sa më shpejt të jetë e mundur dhe janë të inkurajuar nga avancimi i bërë deri më tani”, shkroi NOIRLab në një deklaratë në faqen e saj të internetit më 24 gusht.
Është e paqartë saktësisht se cila ishte natyra e sulmeve kibernetike ose nga e kishin origjinën. NOIRLab thekson se për shkak se hetimi është ende në vazhdim, organizata do të jetë e kujdesshme në lidhje me informacionin që ndan në lidhje me ndërhyrjet.
“Ne planifikojmë t’i ofrojmë komunitetit më shumë informacion kur të jemi në gjendje, në përputhje me angazhimin tonë për transparencë si dhe përkushtimin tonë ndaj sigurisë së infrastrukturës sonë,” shtoi përditësimi.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
