Nëse punoni në industrinë e Real Estate, AI dhe ChatGPT mund të lehtësojnë shumë punën tuaj. Në një intervistë me Barbara Corcoran në Yahoo Finance, ajo shpjegoi se si teknologjia e re po përdoret tashmë nga agjentët për të bërë procesin e blerjes dhe shitjes më efikase.
Corcoran dha shembuj të rasteve të përdorimit të ChatGPT për profesionistët e pasurive të paluajtshme.
“Ato lloj dokumentesh që duhej ti rishikoje dhe do të merrte një orë, tani mund t’i shikoni në dy ose tre minuta,” tha ajo. “Njerëzit po shkruajnë email-e dhe shpjegime në lidhje me tregun për klientët e tyre.”
Lexo edhe: Ekspertet e shitblerjes së pronave tregojnë zonat më të “Ftohta” të Tiranës…
Sipas Ascendix, disa mënyra të tjera që agjentët e pasurive të paluajtshme mund të përdorin ChatGPT përfshijnë shkrimin e listave të pronave, krijimin e fushatave të email-eve dhe marketingut, shkrimin e skenarëve për ture video, hartimin e dokumenteve ligjore, përkthimin e kontratave me blerësit dhe shitësit ndërkombëtarë dhe përmirësimin e mbështetjes për klientët.
Nuk janë vetëm agjentët e pasurive të paluajtshme që mund të përfitojnë nga ChatGPT. Ndërsa ka shumë raste përdorimi për agjentët e pasurive të paluajtshme, Corcoran beson se pothuajse çdo person mund të gjejë vlerë në përdorimin e ChatGPT për të ndihmuar me punën e tyre.
“Nuk janë vetëm agjentët në pasuritë e paluajtshme. Të gjithë po e përdorin atë,” tha ajo në Yahoo Finance. “Nëse keni një IQ të ulët, papritmas mund të bëheni i zgjuar. Duket sikur e gjithë bota ka marrë një implant të gjeniut. Kjo është vërtet një ndryshues i madh loje.”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
