Nga JASON FEIFER
Dëshiron të bëhesh viral në media sociale? LinkedIn ka një mesazh për ty: Provojeni atë në një vend tjetër.
LinkedIn-i bëri përditësime të rëndësishme në mënyrën se si funksionon feed-i i tij. Si rezultat, disa përmbajtje shpërblehen, disa kanë më pak shikueshmëri dhe shumë më pak “selfie” shfaqen.
Nëse je ndër miliona sipërmarrës që angazhohen në LinkedIn, këto ndryshime do të ndikojnë tek ti dhe vlejnë të dihen nga ty. Prandaj, unë iu kërkova Roth-it dhe bashkëpunëtores së tij, Alice Xiong, drejtore e menaxhimit të produkteve që drejton produktet e kërkimit dhe zbulimit të LinkedIn-it, që t’i shpjegojnë ato.
Lexo edhe: LinkedIn konfirmon: punonjësit që nuk mund të rriten, largohen
Gjatë pandemisë, Roth tha se postimet e njerëzve u bënë shumë më personale. “Shtëpitë tona dhe jeta jonë profesionale u përfshinë,” u shpreh ai – dhe përdoruesit filluan të ndajnë lloj-lloj “selfie” dhe foto familjare që dikur mund të postoheshin në Facebook.
Dy ndryshime kryesore kanë ndodhur me LinkedIn-in. Shkurtimisht, këto janë ato që kanë ndryshuar:
1.Nëse poston në LinkedIn, është më e mundur që ndjekësit të shohin postimin tënd. Pse? Sepse kështu thonë përdoruesit se duan.
“Njerëzit na tregojnë sei pëlqejnë më shumë përmbajtjet që bazohen në njohuri dhe këshilla,” thotë Xiong, “dhe e gjejnë më të vlefshme kur përmbajtja vjen nga njerëz që i njohin dhe që i duan.” Deri më tani, aplikacioni ka parë një rritje prej 10% në numrin e njerëzve që shikojnë postime nga njerëzit që ndjekin.
2.Postimet që ndajnë “njohuri dhe këshilla” tani i japin përparësi të gjithë platformës.
Sistemi i LinkedIn tani vlerëson nëse një postim përmban njohuri dhe këshilla, dhe pastaj e shfaq për përdoruesit e tjerë që kanë gjasa të gjejnë informacionin relevant dhe të dobishëm. “Për ne, pjesa më e rëndësishme e ekuacionit është, a besojmë se po ndihmojmë audiencën tonë të jetë dhe të ndjehet më produktive dhe më të suksesshme?” thotë Xiong.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
