“Të dhënat tona, etika e përdorimit, mbrojtja dhe roli AI”.
Kjo është tema e ardhshme e Women2Women, me 15 Maj ora 17:00, Dhoma Kombëtare e Zejtarisë
Ftojmë vajzat dhe gratë të regjistrohen në eventin e ardhshëm dhe të njihen me një personalitet ndërkombëtar në fushën e teknologjisë, Anila Hyka, me një network të gjerë në teknologji dhe diasporë.
Nëse je e interesuar Regjistrohu:
https://docs.google.com/forms/d/19y8UAd1zWh_RLKfd8P4khiApuk2x_uBAF1M2EeYA3W4/edit
ose na shkruaj në: info@2-al.net
Anila Hyka, është eksperte në fushën e IT dhe telekomunikacionit, me një pvrvojë mbi 25 vjecare në fusha të ndryshme sociale dhe ekonomike në më shumë se 5 vende të ndryshme të botës.
Pasi kreu studimet e larta në Shqipëri, ajo zhvendoset në Norvegji për studimet pas universitare për Shkenca Kompjuterike. Atje kontribuon për krijimin e Komitetit të Helsinkit në Tiranë, si dhe për programin e ndihmave të Norvegjisë për Shqipërinë.
Më tej, karriera e saj zhvendoset në Shtetet e Bashkuara të Amerikës, ku punon si drejtuese produkti dhe marketingu pranë kompanise “Ericsson” në Los Angelos.
Që prej vitit 2004 ajo jeton dhe vepron në Paris, ku pasi u diplomua në Master Business Administration (Executive MBA ne ESCP) punoi për një kompani të njohur të telekomunikimit si “Alcatel”. Sot ajo punon për kompaninë më të madhe të telekomunikimit në Europe, “Orange”, në departamentin e shërbimeve për kompanitë internacionale, ku është drejtuese projektesh dhe tenderash për kontrata mbi 15 mln €.
Anila është angazhuar prej vitesh dhe në aktivitete jo-fitimprurëse në fushat e promovimit të edukimit, kulturës dhe integrimit të diasporës shqiptare, nga të cilat mund të përmendim kontributin e saj në programin “Supper Codeurs”. Një program që kishte qëllim promovimin i kodimit në kompjuter në shkolla 9-vjeçare. Gjithashtu projekte të tjera me qëllim promovimin e “jetës profesionale të grave inxhiniere” në shkollat e mesme apo për të ndihmuar rregullisht në mesime nxënësit në zona të defavorizuara.
Ndër shumë eksperiencat me natyre sociale dhe kulturore, ajo është gjithashtu drejtuese e bordit të organizatës Germin, si dhe nënkryetare e këshillit koordinues të Diasporës.
Anila ka pasion të madh udhëtimet dhe njohjen me kultura të ndryshme si dhe fluturmin amator dhe sportet si tenis apo voleyball.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
