Kompania Qualcomm në një deklaratë u shpreh se po punon me një grup të kompanive që përdorin sistemin operativ Android për të shtuar aftësitë e komunikimit të mesazheve me satelitë në pajisjet e tyre.
Kompania me bazë në San Diego të Kalifornisë, e cila është edhe furnizuesi më i madh në botë për çipat të cilët lidhin telefonat me rrjetet “ëireless”, tha se është duke punuar me Honor, Motorola, Nothing, Oppo, Vivo dhe Xiaomi, për zhvillimin e këtyre pajisjeve.
Komunikimet e bazuara në satelit mund të dërgojnë dhe të marrin të dhëna në rajone të largëta ose rurale ku rrjetet e tjera të telekomunikimit nuk janë në dispozicion.
Qualcomm njoftoi se po shtonte këto aftësi në çipat e tyre nga ky vit.
Lexo edhe: iPhone 14: Përdor satelitin për mesazhe urgjente, kthejeni nga qielli!
Bashkëpunimi i Qualcomm me prodhuesit e pajisjeve Android ka gjasa që të ngritë konkurrencën në mes të atyre markave dhe Apple, markë kjo e cila vitin e kaluar e kishte prezantuar veçorinë e cila lejonte dërgimin e mesazheve emergjente satelitore si një nga veçoritë kryesore të linjës më të re të iPhone-ëve.
Ata iPhone të ri përmbajnë një çip nga Qualcomm, edhe pse Apple për Reuters kishte deklaruar se ato telefona përmbajnë edhe harduer dhe softuer të personalizuar që janë pronë e Apple.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
