Lara Colturi shpallet kampione midis 37 garuesëve të tjerë në kampionatin botëror të skive. 16 vjeçarja është shpallur kampione bote në kategorinë Super G dhe më pas fitoi vendin e parë në kampionat duke rrëmbyer kështu kupën për Shqipërinë.
Lara është italiane, por dy vite më parë zgjodhi të jetë përfaqësuese e Shqipërisë.
Pak sekonda pas vendosjes së medaljes Himni i Flamurit u dëgjua në sfond dhe të tre fituesit hoqën kapelet për të respektuar vendin fitues të këtij kampionati skiimi.
“Shqipëria ka hyrë në hartën e vendeve ku medaljet nuk do të mungojnë për një kohë të gjatë. Lara është vetëm 16 vjec dhe konkurroi me të rinj deri në moshën 21 vjeçare. Ajo është vërtetë një talent dhe e vuri veten në rangun e elitës botërore të skive,” shprehet Presidenti i Federatës së skive, Elvis Toçi për Top Channel.
Fitorja ka bërë që gjithë fokusi i mediave botërore të vendoset mbi Lara-n dhe ne i urojmë suksese në garat e ditëve të ardhshme!
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
