Kancelari gjerman Olaf Scholz shënoi një fitore në turnen e tij në Gjirin Persik, ku nënshkroi disa kontrata të vyera energjie. Pas problemeve me gazin rus, Gjermania po kërkon mënyra të tjerë furnizimi.
Një prej tyre, intensifikimi i partneritetit me Emiratet e Bashkuara Arabe, i dha frytet e para. Shcolz arriti të marrë OK-n e këtij vendi për sasi të rëndësishme gazi natyror të lëngshëm.
Dërgesa e parë mbërrin në fund të dhjetorit në terminalin e ri në Brunsbüttel pranë Hamburgut. Kontrata u firmos nga koncerni energjetik RWE me qendër në Essen dhe kompania kombëtare e Naftës në Abu Dhabi (ADNOC), e cila është në pronësi të shtetit. Fjala është për një sasi prej mbi 137,000 metra kub gaz natyror të lëngshëm, ndërkohë që nga viti 2023 kompania shtetërore e Emirateve do të dërgojë gjithashtu deri në 250,000 tonë naftë çdo muaj.
Qëllimi i Scholzit është i qartë: tashmë, Gjermania do të tentojë të ketë shumëllojshmëri furnizimi e të mos krijojë varësi aq të madhe sa me Rusinë nga një furnizues i vetëm. Deri në momentin që nisi lufta e Ukrainës, ajo importonte rreth 55 për qind të gazit të saj natyror nga Rusia. Një situatë e tillë, sipas kancelarit gjerman, nga sot e tutje, do të shmanget. Emiratet e Bashkuara Arabe renditen me rreth gjashtë trilion metra kub gaz në vendin e shtatë në botë për nga depozitat e gazit natyror. Deri më sot, gazin e trye të lëngshëm ato e eksportonin kryesisht në Azi.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
