“Land & Sand Art Festival”, skulptura në rërë që i dha një tjetër imazh vendit tonë - Business Magazine Albania

“Land & Sand Art Festival”, skulptura në rërë që i dha një tjetër imazh vendit tonë

Land & Sand Art Festival

Festivali i skulpturës në rërë “LAS Art Festival” ka mbyllur me sukses edicionin e tij të parë, i cili përtej pritshmërisë është mirëpritur nga shumë dashamirës të artit e kulturës në plazhin e Velipojës në datat 24-27 gusht 2022. Me financim të Ministrisë së Kulturës dhe mbështetur nga drejtpërdrejtë nga Ministri i Shtetit për Mbrojtjen e Sipërmarrjes, plazhi i bukur i Velipojës është bërë si rrallëherë vendtakimi i një festivali të tillë, që Shqipërisë i ka ardhur për herë të parë duke sjell atë që në këtë stinë kudo nëpër plazhet e botës organizohen festivale të tilla ku skulpturat në rërë marrin pamjet e dimensione njerëzore e jo vetëm.

Skulptorë të ardhur nga e gjithë bota e kthyen bregdetin e Velipojës një galeri në natyrë duke ju ofruar një eksperiencë të rrallë edhe artdashësve. Me pjesëmarrjen e artistëve si: Ani Zlateva nga Bullgaria, Sanita Ravina nga Letonia, Nikola Faller nga Kroacia, Maro Theodorou nga Greqia, Anton Behrami dhe Avni Demiri nga Kosova, Ardian Pepa nga Shqipëria, krijuan skulpturat prej rëre përgjatë ditëve të festivalit, imazhet e të cilave bënë xhiron e botës. Artisti nga Hungaria Ferenc Monostori nuk arriti të realizonte veprën e tij, pasi për arsye shëndetësore që ditën e parë u detyrua të operonte apendicitin në Spitalin Rajonal të Shkodër, me shumë sukses.

Velipoja dhe imazhet e skulpturave e punimeve në rënë për katër ditë ishin tema më e diskutuar si një risi që i vjen vendit tonë, pikërisht në stinën e bukur të verës ku turistët pranë bregdetit kryesisht fëmijët dhe të rinjtë patën mundësi të merrnin pjesë në masterclass-et e zhvilluara për ta, punë të cila morën edhe vlerësimin e artistëve të pranishëm. Nuk munguan në këtë festival të parë të skulpturës në rërë shumë aktivitete të tjera, që i dhanë bukuri më tej duke e kthyer plazhin e Velipojës në një arenë të hapur të së bukurës. LAS Art Festival, ishte kompozuar si një festival verorë ku mes punës së bukur të skulpturave në rërë të mos mungonte asgjë që i jep bukuri vetë plazhin, stinës, por mbi të gjitha promovimit të plazhit të Velipojës dhe vetë Shqipërisë. Pjesë e tij ishin edhe artistët e vegjël, që shpalosën talentin e tyre.

E pranishëm në këtë festival Ministri i Shtetit për Mbrojtjen e Sipërmarrjes Edona Bilali, vlerësoi punën e artistëve, e mbi të gjitha guximin e artistes shqiptare, drejtores së këtij festivali Beskida Kraja, e cili i dha jetë kësaj nisme ku siç tha zj. Bilali: Velipoja përveç asaj që i ka fal natyra, tashmë i shtohet edhe një element tjetër, kultura. Organizatorja e festivalit Beskida Kraja në natën finale ndër të tjera shtoi se Velipoja me gjithë këto hapësira të pa shfrytëzuara e çfarë tjetër mund të bënim, vetëm duke krijuar art, ndaj sollëm ketë festival. Land & Sand Art Festival, tërhoqi vëmendjen e shumë turistëve vendas dhe të huaj.

LAS Art Festival vlerësoj më disa çmime artistët e pranishëm. Çmimi për artistët më të ri dhe më të mirë e morën djemtë nga Kosova.  Ndërkoha çmimin e parë në këtë edicion të parë të “LAS Art Festival”, e mori artisti kroat Nikola Faller, i cili realizoi 3 vepra, njërën në bashkëpunim dhe me artistin shqiptar Ardian Pepa. Veçantia e artit të tij është përshtatja me ciklet natyrore nëpërmjet baticave. Fitues i edicionit të parë të këtij festivali, është shpallur artisti nga Kroacia me mozaikun unik të bërë në rërë në grykëderdhjen e Bunës.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #35 - Qershor 2024

Ja si sipërmarrës të guximshëm përmes inovacionit ndikojnë industri të tëra!

 

Ky numër i revistës mund të quhet numri i dedikuar sipërmarrësve, nismëtarëve dhe inovatorëve. Atyre të cilët me guxim, këmbëngulje dhe me risi nxisin transformimin e industrive me ndikim në jetët tona. Këto përvoja, sfida, ide të reja, aplikime dhe bashkëpunime të tyre, vijnë nëpërmjet Business Mag Albania, nr. 35. 

Për ty, që po e mban në dorë këtë revistë, kemi diçka të re! Tani mund të dëgjosh me zë artikujt që lexon tek BusinessMag. 

Në partneritet me Nullius in Verba, sjellim një mënyrë revolucionare për të konsumuar përmbajtjen. Falë teknologjisë së avancuar të AI, tani mund të dëgjoni me zë artikujt tuaj të preferuar në çdo kohë dhe vend, duke ju lejuar të informoheni ndërsa jeni në lëvizje. Ky bashkëpunim inovativ pasqyron përkushtimin tonë për të mbështetur sipërmarrjen dhe zhvillimin e modeleve të suksesshme, duke sjellë përvojë të re dhe vlerë të shtuar për ju si lexues. Skano kodet QR në çdo artikull dhe shijo nga kudo që të jesh një format të ri, mundësuar nga Inteligjenca Artificiale, aplikuar nga një …

Shiko më shumë
Na ndiqni në rrjetet sociale
0