ALBtelecom operatori më i madh shqiptar i telekomunikacionit, që operon si në industrinë fikse dhe atë mobile synon të eleminojë çdo problem të klientëve për shërbimet që ofron, duke plotësuar kërkesat e rritura edhe më shumë për to gjatë periudhës së pandemisë COVID-19. Transformimi i ALBtelecom është fokusuar në përmirësimin e kujdesit ndaj klientit, zbatimin e teknologjisë novatore dhe prezantimin e produkteve dhe shërbimeve të reja.
Për të rritur produktet dhe shtuar numrin e abonentët e saj, ALBtelecom po ndërmerr një transformim digjital, duke përditësuar pajisjet, sistemet e brendshme dhe sistemin customer-facing që pritet të përfundojnë deri në vitin 2022. Përditësimet prekin më shumë se 730 punonjës, dhe mbi 2.000 pika shitje.
“Sfida jonë më e madhe është të ofrojmë shërbimet tona telco pa asnjë ndërprerje. Po përpiqemi të përdorim teknologjinë më të fundit për të gjithë sektorët tanë të biznesit dhe ky fakt na jep përparësi konkurruese,” shpjegon Vahap Yeroglu, Drejtori i Grupit të Teknologjisë në ALBtelecom.
Me fokusin e transformimit dhe përmirësimit, ALBtelecom u konsultua me HPE Platinum Partner, Computer & Copier Systems (C.C.S.), për të gjetur një zgjidhje që do i vinte në ndihmë më tepër funksionaliteteve, do të parandalonte ndërprerjet, dhe në fund do të përmirësonte përvojën e klientit.
“Kur kishim ndërprerje në aplikacionet tona kryesore, nuk mund t’u shërbenim klientëve ashtu siç duhet për disa orë. Ne presim të shohim përmirësim afërsisht 30% të niveleve të shërbimit ndaj klientit në dyqane. Performanca e lartë ndihmon punonjësit tanë të bëjnë punët e tyre shumë më shpejt dhe në mënyrë më efikase“, shpjegon Ergest Alite, Drejtor i IT-së, Qendrës së Funksionimit të Rrjetit dhe Shërbimeve Mbështetëse në ALBtelecom.
Lexo:ALBtelecom: Internet bonus për rimbushjet nga aplikacioni “Profili Im”
Infrastruktura e re siguron 60% performancë më të lartë, duke lejuar punonjësit e ALBtelecom të punojnë në mënyrë produktive dhe të shpejtë. Nga ana tjetër, klientët kanë mundësi të kenë përvoja më të mira, pasi ata nuk presin më për të kryer shërbimet e tyre.
ALBtelecom dëshiron të jetë pararojë në trendet e industrisë, duke vendosur standardet e zhvillimit në këtë fushë, ku infrastruktura e saj cloud plotësisht private është trendi i të gjithë Telco-s sot.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
