Aeroplani i parë në botë, që furnizohet plotësisht me energji elektrike doli në qiell për fluturimin e tij të parë në një aeroport afër Bordeaux, në Francën Jugperëndimore. Ai ka një zhurmë pak më të fortë se një tharëse flokësh dhe quhet E-Fan. Avioni i vogël eksperimental është projektuar nga Airbus, pak më shumë se 6 metra i gjatë. Ai mund të shënojë një hap të rëndësishëm drejt udhëtimeve ajrore të gjelbërta, të qeta dhe më të lira.
Mundësuar nga 120 bateri polimere litium-jon, fluturimi i parë zyrtar zgjati më pak se 10 minuta, megjithëse avioni ka aftësinë të fluturojë për rreth një orë, para se të karikohet.
E-Fan është ende larg hapit për të zëvendësuar avionët tradicionalë pasi ka një shpejtësi maksimale vetëm 220 km dhe hapësirë për vetëm një pilot dhe një pasagjer.
Por, inxhinierët shpresojnë që ndërsa teknologjia zhvillohet, avionët gjithnjë e më të mëdhenj mund të furnizohen plotësisht me energji elektrike ose të pajisen me një sistem hibrid.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
