Prokuroria e Tiranes ka perfunduar hetimet dhe ka derguar per gjykim çeshtjen e 9 kompanive tregtare, qe kishin realizuar nje skeme mashtrimi me TVSH-ne.
Jane 14 administratore, qe jane vene nen akuze, dhe do te perballen me procesin gjyqesor. Sipas Prokurorise, demi qe i kishin shkaktuar shtetit keto kompani shkon ne 26 milione euro.
Skandali ishte zbuluar dhe denoncuar nga Drejtoria e Tatimeve. Kompanite e vena nen akuze realizon operacione fiktive tregtie dhe perfitonin rimbursime te Tatimit mbi Vleren e Shtuar nga shteti.
Sipas hetimit, subjektet jane te regjistruara si ne QKR, ashtu edhe ne Tatime ne menyre fiktive, vetem per te terhequr blloqet me fatura TVSH-je ne Drejtorite Rajonale te Tatimeve dhe perdorimin e ketyre blloqeve, duke leshuar fatura shitjeje me TVSH fiktive, per shitje skrapi.
Keto kompani benin vetem leshim te fatures tatimore te shitjes, per efekt te kreditimit te TVSH-se, pa derguar ne fakt mallin. Kater prej administratoreve jane ne gjendje “arresti ne burg”, tete te tjere jane ne “arrest shtepie” ose “detyrim paraqitjeje”, pasi gjykata ndryshoi masen e sigurise, ndersa dy jane “hetuar ne mungese”. / Top Channel
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
