8 të infektuar, prej 3 javësh nuk ka viktima nga COVID-19

8 pacientë me koronavirus janë zbuluar 24 orët e fundit, duke e çuar totalin e të prekurve në 989.

79 përqind e të infektuarve ose 783 prej tyre janë shëruar.

Rovena Daja, nga ISHP bëri me dije se të infektuarit e rinj janë përkatësisht 5 në Tiranë, 2 në Durrës dhe 1 në Krujë. Të gjithë të infektuarit e rinj janë persona kontakti të pacientëve të mëparshëm.

Në 24 orët të fundit janë testuar 200 qytetarë të dyshuar, ndërsa që prej fillimit të marsit janë testuar mbi 14 mijë persona, prej të cilëve janë:

– 989 të infektuar,

– 31 viktima;

– 783 të shëruar,

– 175 të infektuar aktivë;

Aktualisht në spitalin Infektiv janë 16 pacientë të shtruar dhe vetëm 5 prej tyre në terapi intensive. Fatmirësisht gjatë 3 javëve të fundit nuk ka asnjë humbje jetë nga COVID-19.

Lexoni: Edi Rama njofton rregullat e lëvizjes për fundjavën

Shpërndarja gjeografike e pacientëve aktivë deri më 23 maj është:

– Tiranë, 62 pacientë aktivë,

– Krujë, 27 pacientë aktivë,

– Shkodër, 10 pacientë aktivë,

– Kamëz, 9 pacientë aktivë,

– Durrës, 50 pacientë aktivë,

– Berat, 10 pacientë aktivë,

– Fier, 4 pacientë aktivë,

– Elbasan, 1 pacient aktiv,

– Mirditë, 1 pacient aktiv,

– Korçë, 1 pacient aktiv.

Ministria e Shëndetësisë dhe Mbrojtjes Sociale fton qytetarët të tregohen të kujdesshëm, duke respektuar masat e vendosura. Nëse keni shenja të COVID-19 mund të telefononi në numrin unik të Urgjencës Kombëtare, 127. Për informacion në lidhje me COVID-19 dhe këshillim psikologjik, ju mund të telefononi në linjën e gjelbër 0800 40-40.