Shqipëria është një vend që ka përqafuar teknologjinë prej vitesh, por viti 2020, i cili u shoqërua edhe me një prej ngjarjeve më të papritura për të gjithë botën, pandeminë COVID 19, solli një tablo të ndryshme nga vitet e tjerë, përsa i përket përdorimit të internetit në Shqipëri.
Numri i faqeve të raportuara të pornografisë me fëmijë ka shënuar një shifër rekord prej 6273 faqe , ose një 600-fishim të tyre, krahasuar me një vit më parë, raporton ISIGURT.AL, Qendra Kombëtare për Internet të Sigurt dhe CRCA/ECPAT Shqipëri, në Ditën Ndërkombëtare të Internetit të Sigurt.
40% të rasteve të faqeve pornografike, videove apo edhe imazheve me të njëjtën përmbajtje janë me fëmijë shqiptarë, ndërsa mbi 60% e rasteve të pornografisë me fëmijë i përkasin fëmijëve jo shqiptarë, por të aksesueshme nga fëmijët dhe adoleshentët në vend.
Mosha më e prekur e fëmijëve dhe adoleshentëve nga incidentet në internet është grup-mosha 15-17 vjeç, e cila përbën rreth 40% të të gjithë ankimeve të ardhura në Platformë. Mbyllja e detyruar e fëmijëve dhe të rinjve dhe vendosja e tyre përballë një interneti ende të pasigurt, krijoi përgjatë vitit 2020 solli rritje galopante të faqeve pornografike dhe përdorimit pa kriter të platformave gjigande të internetit.
Një tjetër gjetje e këtij raporti është se faqet shqiptare kanë shënuar një rritje drastike përsa i përket përdorimit të materialeve të papërshtatshme, të cilat kërcënojnë dhe rrezikojnë fëmijët dhe të rinjtë në përdorimin e internetit. Krahasuar me një vit më parë, ku nga raportimet këto faqe ishin pothuaj zero, këtë vit ato janë rritur në masën 8%.
Siç duket nga të dhënat e raportit pandemia “ekstremizoi” dhunën seksuale, pornografinë dhe kërcënimet te fëmijët dhe adoleshentët në Shqipëri. Por përsa i përket shtrirjes gjeografike të raportimeve të ngacmimeve, dhunës seksuale, pornografisë dhe shfrytëzimit të fëmijëve në internet, qytetet si Durrësi, Korça, Pogradeci, apo edhe Gjirokastra bëjnë pjesë në ato qytete, të cilat duken se nuk raportojnë ende në pjesë të konsiderueshme rastet e problematikave që hasin fëmijët dhe adoleshentët në internetMosha më e prekur e fëmijëve dhe adoleshentëve nga përdorimi i internetit të pasigurt mbetet mosha 15-17 vjeç, e cila përfshihet në masën 40% të saj.
Ndërkaq vihet re se Instagrami paraqitet si platforma më me shumë incidente të raportuara ndaj fëmijëve dhe të rinjve me 52%, e ndjekur nga Youtube dhe Facebook me 17% dhe 15%.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
