1. Kontrolloni fuqimisht atë që mundeni. Injoroni me forcë atë që nuk mund të kontrolloni
Kjo mund të jetë pika më e rëndësishme, por vini re se ekzistojnë dy gjëra në këtë çështje. Më shumë se kurrë, do t’ju duhet të luftoni për gjërat që janë nën kontrollin tuaj. Ju nuk mund të kontrolloni ekonominë, por ju mund të kontrolloni shërbimin e klientit. Ju mund të jeni të parët në rradhët e bankës.
Gjithashtu, gjatë peridhës së stresit, është shumë e rëndësishme të mos i ushtroni presion vetes për gjërat që janë jashtë kontrollit tuaj. Në fund të fundit, ju duhet të bëni atë që mundeni dhe ta disiplinoni veten duke injoruar atë që nuk mund ta kontrolloni. Kjo mund të fillojë duke mos ndjekur çdo lajm, që transmetohet.
2. Ruani moralin e punonjësve
Kur ishit fëmijë, si ndiheshit kur mami dhe babi grindeshin me njëri-tjetrin për faturat, apo ndonjë gjë tjetër? Është e rëndësishme të jeni i sinqertë me punonjësit për gjendjen tuaj financiare, por ju duhet t’i udhëhiqni njerëzit në atë mënyrë që ata të kenë besim se jeni i aftë t’i përballoni gjërat.
Lexoni: Sigal kombinon paketat e sigurimit me shërbimin telemjekësor TeleDoc
Edhe nëse keni vetëm tre ose katër punonjës, ju jeni një gjeneral i ushtrisë suaj, kështu që duhet të keni një sens kontrolli. Tani ka shumë panik, dhe ju nuk keni luksin të jeni një nga njerëzit që panikojnë.
3. Kurseni paratë aty ku mundeni
Tani për tani, motoja juaj duhet të jetë: Jetoni për të luftuar një ditë tjetër. Tani është një kohë e mirë për të parë regjistrin tuaj të shpenzimeve dhe për të minimizuar shpenzimet e tepërta, që kanë të gjitha bizneset. Sidoqoftë, jini të kujdesshëm me shpenzimet që lidhen me njerëzit.
Shumë njerëz duhet të pushojnë punonjësit, por është e rëndësishme të mendoni një plan afatgjatë. Nëse keni aftësinë të jeni besnikë ndaj punonjësve, ata nuk do ta harrojnë atë kur të keni nevojë për ta. (Në fakt, disa do ta harrojnë atë, por injorojnë ata njerëz.)
4. Jini të parët në rradhë
Nëse po aplikoni për një kredi ose ndihmë qeveritare, qëndroni të parët në rradhë. Flisni dhe jini aktivë me bankën sepse ata nuk do të jenë. Bankat kanë problemet e tyre tani.
Lexoni: Shoqatat e agrobiznesit i kërkojnë masa lehtësuese ministrit të Bujqësisë
5. Kthehuni përsëri tek bazat – duke filluar me përqendrimin tek shërbimi i klientëve
Kjo këshillë mudn të tingëllojë e thjeshtë, por se është e rëndësishme. Sipërmarrësia ka të bëjë me konkurrencën, dhe ju duhet të bëni më shumë konkurrencë për shërbimin e klientit. Shumica prej nesh pretendojnë se janë të mirë në shërbimin e klientit, por e vërteta është, të gjitha bizneset mund të bëjnë më mirë. Dhe shërbimi ndaj klientit është diçka që mund ta kontrolloni patjetër.
6. Përshtateni produktin ose shërbimin me kushtet e reja
Mendoni për gjërat që mund të përfshini në strategjinë tuaj edhe nëse janë gjëra të vogla. Ato mund t’ju ndihmojnë të qëndroni në këmbë në këtë situatë të vështirë.
“Kur isha fëmijë, ne ndonjëherë nuk kishim ushqim të mjaftueshëm. Na mbaronte shpesh qumështi dhe stomaku më ngelej i zbrazët. Nëna ime ndonjëherë më pyeste gjatë atyre kohërave nëse doja “qumësht magjik” – qumësht që ajo do ta krijonte nga ajri. Më vonë, kuptova që ajo shkonte në bodrum dhe përziente pluhur qumështi me ujë”, shkruan Brian Hamilton për Inc.
Lexoni: Çfarë dinë shkencëtarët për koronaviurs deri më tani? A jemi të mbrojtur nëse infektohemi njëherë?
“Ndërsa unë nuk kam ndonjë qumësht magjik për ju, shpresoj që disa nga këto fjalë t’ju ndihmojnë. Bëni gjërat që mundeni. Jini të mprehtë. Këto gjëra zakonisht funksionojnë”, shton Brian.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
