6 mënyra se si pronarët e bizneseve të vogla mund të përdorin ChatGPT për të ulur orët e punës - Business Magazine Albania

6 mënyra se si pronarët e bizneseve të vogla mund të përdorin ChatGPT për të ulur orët e punës

Bizneset e vogla kanë pasur gjithmonë sfidën për të konkurruar me korporatat e mëdha, që kanë burime praktikisht të pakufizuara. Për fat të mirë, teknologjitë e reja që po zhvillohen  po barazojnë fushën e lojës. Sipërmarrësit tani mund të përdorin mjete si inteligjenca artificiale për të zgjeruar aftësitë dhe produktivitetin e bizneseve të tyre, pa shtuar shuma të konsiderueshme kapitali ose shpenzime të përgjithshme. I lëshuar nga OpenAI në vitin 2022, ChatGPT është një nga AI-të më të fundit dhe më të aksesueshme në treg. Këtu janë gjashtë mënyra se si sipërmarrësit mund të përdorin ChatGPT për të kursyer kohë — dhe para.

  1. Krijimi i content-it

Shumica e ekspertëve të marketingut pajtohen se krijimi i përmbajtjes sociale tërheqëse është një nga mënyrat më të mira për të krijuar ndjekës dhe për të tërhequr klientët. Sfida është se krijimi i përmbajtjes kërkon shumë kohë – në shumicën e industrive, postimi në mediat sociale ose në blog,  disa herë në javë është standard dhe çdo pjesë e përmbajtjes zakonisht merr diku nga dy deri në gjashtë orë. Fatkeqësisht, kjo mund ta largojë një sipërmarrës nga aktivitetet e tjera kritike të përfshira në funksionimin e biznesit të tyre.

ChatGPT mund të zvogëlojë ndjeshëm sasinë e kohës që u duhet pronarëve të bizneseve të vogla për të gjeneruar përmbajtjen që u nevojitet, duke përfshirë artikujt, postimet në blog, skriptet e videove dhe postimet e mediave sociale. Një gjë për t’u theksuar është se ChatGPT përdor internetin për informacion. Ju mund të rrezikoni të postoni diçka shumë të ngjashme me një faqe tjetër, gjë që mund të dëmtojë renditjen në motorët e kërkimit. Është e rëndësishme që gjithmonë ta personalizoni përmbajtjen që merrnni nga mjete A.I. Megjithatë, ChatGPT mund të zvogëlojë ndjeshëm sasinë e kohës së shpenzuar për idetë dhe krijimin e drafteve.

  1. Ndërveprimi me klientët

Një nga avantazhet kryesore që kanë bizneset e vogla është aftësia e tyre për të ofruar shërbim të personalizuar dhe superior ndaj klientit. Në vend që të punësojnë ekipe përfaqësuesish të shërbimit ndaj klientit, për të vazhduar me kërkesën, për t’iu përgjigjur pyetjeve të klientëve ose për të bashkëvepruar me ta në mediat sociale, sipërmarrësit mund të shikojnë tek AI për të bërë pjesën më të madhe të kësaj ngarkese pune.

ChatGPT është krijuar posaçërisht për t’u dhënë njerëzve përgjigje që tingëllojnë njerzore dhe të natyrshme. Bizneset mund ta përdorin këtë teknologji për të ndërtuar chatbote, që punojnë gjatë gjithë kohës për të marrë pjesë në bisedat e mediave sociale me klientët, për t’I drejtuar, për t’iu përgjigjur emaileve me pyetje të bëra më shpesh ose për të rekomanduar produkte dhe shërbime specifike bazuar në nevojat e klientit.

Megjithëse kërkon disa kodime, shumica e pronarëve të bizneseve mund të përfshijnë ChatGPT në faqen e tyre të internetit ose në burimet e mediave sociale me shumë pak njohuri teknike. Edhe nëse ju duhet të punësoni dikë për ta ndërtuar këtë, do të jetë dukshëm më me kosto efektive sesa punësimi i një ekipi të plotë të shërbimit ndaj klientit.

  1. Përkthimi i gjuhës

Tridhjetë vjet më parë, shumica e bizneseve të vogla u detyruan të operonin brenda zonave të ngushta gjeografike. Ata thjesht nuk kishin burimet dhe mjetet e korporatave të mëdha për t’u zgjeruar në tregjet ndërkombëtare. Sot, interneti ka lidhur të gjithë globin. Tani sfida është aftësia për të trajtuar barrierat e ndryshme gjuhësore që bizneset e vogla mund të hasin gjatë rrugës.

Lexo: OpenAI do të ofrojë deri në 20,000 dollarë shpërblim për raportimin e defekteve

Megjithëse ka shumë mjete përkthimi të disponueshme në internet, shumë prej tyre prodhojnë përkthime që janë të vështira për t’u kuptuar. ChatGPT mund të prodhojë përkthime të punuara mirë dhe madje t’i shkruajë ato me stile specifike (formale biznesi ose dialekte lokale, etj). Bizneset e vogla mund të përdorin gjithashtu ChatGPT për të prodhuar website të reja, etiketa produktesh dhe manuale udhëzimi në gjuhën lokale në pak minuta.

  1. Fushatat për klientët dhe investitorët

Pronarët e bizneseve të vogla duhet të investojnë shumë kohë dhe përpjekje për të bindur të tjerët pse biznesi i tyre meriton vëmendjen e tyre. Shitja është kritike për marrjen e të ardhurave dhe fitimeve për të mbajtur biznesin në funksionim. Tërheqja e investitorëve mund të ndihmojë në vendosjen e biznesit në hartë dhe gjenerimin e kapitalit të nevojshëm për t’u zgjeruar.

Sipërmarrësit mund të përdorin ChatGPT për të krijuar prezantime dhe materiale marketingu për t’i ndihmuar ata të hapin bizneset e tyre. Kjo mund të përfshijë letra të bardha, plane biznesi, prezantime në PowerPoint dhe madje fjalime.

  1. Mbështetje teknike me kosto të ulët

Shumica e sipërmarrësve bëjnë shumë profesione. Ata janë zakonisht shitës, dizajner produkti, kontabilist, menaxher i webit, menaxher i mediave sociale pra të gjitha çfarë duhet për ta mbajtur një biznes gjallë. Kur teknologjia ndalon së punuari, zakonisht i takon pronarit të biznesit që ta zgjidhë problemin dhe ta rregullojë atë, sepse ata nuk kanë një buxhet të madh ose një ekip profesionistësh të TI-së për të ndihmuar me çështjet teknike.

Mbështetja e TI-së është një kosto e madhe për bizneset e vogla. ChatGPT mund të shërbejë si chatbot i mbështetjes teknike personale të një sipërmarrësi për t’i ndihmuar ata t’i zgjidhin këto sfida më shpejt dhe me më pak para.

  1. Analizimi i reagimeve të klientëve

Shumica e bizneseve të vogla janë ende duke punuar për të rafinuar dhe modifikuar produktet dhe shërbimet e tyre ose për të përmirësuar proceset e tyre. Reagimi i klientit është një pjesë kritike për të kuptuar se çfarë funksionon dhe çfarë nuk funksionon nga këndvështrimi i përdoruesit përfundimtar. Sipërmarrësit mund të përdorin ChatGPT për të analizuar shpejt dhe me efikasitet reagimet e klientëve nga burime të ndryshme.

Bizneset e vogla që përdorin AI në modelin e tyre të biznesit sot, do të kenë një avantazh të rëndësishëm gjatë viteve të ardhshme. Shumë kompani të mëdha janë tashmë në bordin e teknologjisë së AI, por bizneset e vogla po mbeten prapa. Sipërmarrësit që bëhen adoptues të hershëm, do të jenë në gjendje të fitojnë vrull herët dhe të shmangin vjetërsimin. Çelësi është të filloni tani dhe të zbatoni zgjidhje të thjeshta dhe të qëndrueshme të AI si ChatGPT që mund të ndihmojnë në lëvizjen e biznesit tuaj në të ardhmen.

Entrepreneurs

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0