Një tjetër hap për teknologjinë. Tre firmat kryesore të teknologjisë kanë njoftuar krijimin e një kompanie të re, të quajtur Stargate, me qëllim rritjen e infrastrukturës së inteligjencës artificiale në Shtetet e Bashkuara të Amerikës.
Shefi ekzekutiv i OpenAI, Sam Altman, CEO i SoftBank, Masayoshi Son dhe kryetari i Oracle, Larry Ellison së bashku me Presidentin Donald Trump dolën në një deklaratë në Shtëpinë e Bardhë krijimin e kompanisë. Sipas Presidentit të ri, ky është “projekti më i madh infrastrukturor për AI në histori”.
Kompanitë do të investojnë 100 miliardë dollarë në fillimin e projektit, me plane për të investuar deri në 500 miliardë dollarë në Stargate në vitet e ardhshme. Ky projekt do të sjellë edhe rreth 100,000 vende pune.
Stargate do të ndërtojë “infrastrukturën fizike dhe virtuale për të fuqizuar gjeneratën e ardhshme të AI”, duke përfshirë qendrat e të dhënave në të gjithë vendin. Ellison tha se projekti i parë i grupit, prej 1 milion metrash katrorë, është tashmë në ndërtim e sipër në Teksas.
Kanë qenë drejtuesit e inteligjencës artificiale që kanë kanë dhënë alarmin se nevojiten më shumë qendra të të dhënave për të fuqizuar ambiciet e tyre për inteligjencën artificiale.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English