5 vendet e Europës ku femrat në fushën e shkencës punojnë më të lumtura


Europa ende ka një rrugë të gjatë për të kapërcyer hendekun gjinor në shkencë, por pesë vende bëjnë përjashtim.

Në ditën Ndërkombëtare të Grave dhe Femrave në Shkencë, Komisioni Europian zbuloi të dhëna të reja ku tregohet se 41% e shkencëtarëve dhe inxhinierëve në vendet e Europës janë femra.

Megjithatë ka edhe përjashtime. Në pesë vende të Bashkimit Europian, shumica e shkencëtarëve dhe inxhinierëve janë femra: Lituani 57%, Bullgaria dhe Letonia 53%, Portugalia 51% dhe Danimarka mbi 50%.

Në fund të renditjes ndodhet Hungaria dhe Luksemburgu, të dy me 25%, Finlanda 29% dhe gjithashtu Gjermania me 33%.

Nënpërfaqësimi i grave në shkencë është një shqetësim i madh për barazinë gjinore. Karriera shkencore dhe inxhinerike zakonisht ofron mundësi të shumta punësimi dhe paga më të mira sesa sektorët tipikë të punësimit të femrave, sipas OECD.

Femrat në fushën e shkencës duhet të shërbejnë si një model për vajzat dhe djemtë e rinj.

/Euronews

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale