4 këshilla për një punë komode në zyrë - Business Magazine Albania

4 këshilla për një punë komode në zyrë

~5 minuta lexim


Është e rëndësishme të ndihesh rehat në zyrën tënde në mënyrë që të rrisësh efiçiencën dhe të mbrosh shëndetin. Ka shumë hapa të vegjël që mund të ndërmerrni për të krijuar një mjedis më të mirë pune për veten tuaj. Ju mund të filloni duke implementuar këshillat e mëposhtme ergonomike për të përmirësuar ditën tuaj të punës, për t’u kujdesur për veten dhe të zvogëloni dëmtimet që lidhen me punën.

1. Zgjidh një karrige të madhe dhe përshtate në mënyrën e duhur

Ti mundësisht shpenzon gjysmën e kohës në zyrën tënde në tavolinën e punës. Prandaj që zgjidh një karrige që do të mbështesë shpinën tënde. Sigurohu që karrigia është e rregullueshme sipas gjatësisë tënde, kështuqë mund të arrish këmbët mbi tokë. Mund të përdorësh gjithashtu edhe një jastëk për të mbështetur kurrizin. Nëse nuk je i/e lumtur me karrigen tënde aktuale në punë, kërkoja menaxherit nëse mund të zëvendësohet me një më të re. Mos harro se kjo do të reduktojë dhimbjen e shpinës dhe si rezultat do të përmirësojë produktivitetin tënd. Nëse nuk merr dot aprovimin, merr në konsideratë ta porosisësh një të tillë nga ana jote.

2. Vendose siç duhet monitorin

Monitori i kompjuterit duhet të jetë drejtëpërdrejtë në nivelin e shikimit të syrit. Përpiqu të rrisësh nivelin e monitorit duke vendosur një mbajtëse ose disa libra të trashë nën të. Nëse monitori i kompjuterit tënd është nën nivelin e shikimit tënd, do të të duhet të përkulësh qafën dhe shpatullat, gjë që në të ardhmen mund të të shkaktojë dhimbje qafe dhe të shpatullave. Nga ana tjetër, nëse monitori është mbi nivelin e shikimit, të duhet të shikosh nga lart në mënyrë konstante dhe kjo të vë më presion të panevojshëm mbi qafë.

3. Rregullo ndriçimin

Një zyrë duhet të ketë shumë dritare për të mundësuar dritën natyrale të diellit. Nëse nuk mund të kesh dritë natyrale në zyrën tënde, të paktën përdor një dritë më të butë pasi është shumë herë më mirë se ndriçimi fluoroshent. Llampa duhet vendosur mbi kokë. Përveç kësaj llampa mund të përdoret edhe për ditë më të errëta në zyrë.

4. Redukto tendosjen e shikimit duke bërë pushim

Nëse duhet të punosh në kompjuter më shumë se 3-4 orë në ditë, duhet të jesh i/e kujdesshëm(shme) për mbrojtjen e syve. Përpiqu të pulitësh sytë shpesh dhe të largosh shikimin nga monitori çdo 30 minuta. Nëse është e mundur, ngrihu dhe merr një kafe, bashkëbisedo me ndonjë koleg dhe lehtëso pozicionin e trupit. Nëse je shumë i zënë, të paktën shiko diku tjetër për një minimum prej 20 sekondash.

 

/Shkruar nga Ceren Cubukcu, Publikuar nga Entrepreneur.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0