4 Gjëra që nuk duhet të thoni gjatë një interviste pune


Intervistat e punës janë pak të vështira, aq sa mund t’ju bëjnë të djersiteni apo akoma më keq të bëni dhe gabime nga frika apo ankthi.

Përveç po-ve dhe jo-ve të dukshme, përshembull të jesh i rregullt në pamje dhe të jesh korrekt me orarin, janë dhe disa truke të tjera që ju ndihmojnë të mos shkoni të papërgatitur në intervistat e punës.

Këto janë katër gjëra që duhet të shmangni gjatë një intervistë për të siguruar vendin e punës.

Asnjëherë mos thuaj se perfeksioni është dobësia jote më e madhe

Një nga pyetjet më të zakonshme gjatë një interviste pune është “cila është dobësia juaj më e madhe”, ndërkohë që Google ju sugjeron ‘perfeksioni’, ekspertët thonë se kjo është një nga përgjigjet më të këqija që mund të jepni.

Punëdhënësi juaj po kërkon dikë të drejtë dhe transparent kështu që përgjigjia e duhur e kësaj pyetje ju favorizon.

Sugjerimet e ekspertëve vlerësojnë një përgjigje xhenuine, pra të tregoni realisht një dobësi që keni dhe se si po punoni për ta menaxhuar atë.

Mos fol keq për shefin tënd të vjetër

Nëse ndiheni jo të lumtur në rolin tuaj aktual, apo puna juaj e mëparshme nuk përfundoi mirë, ju keni tendencën të flisni negativisht kur pyeteni pse po kërkoni për një punë të re.

Eskpertët thonë se është e rëndësishme të jeni sa më diplomatik, gjithsesi nëse “ju rrëshket goja” dhe bëni një koment negativ, mbulojini gjurmët duke përmendur dhe gjëra pozitive.

Tregoni se keni aplikuar dhe në kompani të tjera

Kur pyeteni nga një punëdhënës potencial nëse po kërkoni punë diku tjetër, përgjigjia juaj instiktive do të jetë “jo”, sepse ju doni të tregoni që ky është i vetmi vend pune që ju intereson, apo jo?

Gabim! Të thuash se po aplikon vetëm në një kompani, ju bën të dukeni dembel apo gënjeshtar.

Duhet të tregoheni të ndershëm dhe t’ju tregoni se po studioni të gjitha mundësitë.

Shmangni diskutimin për pushimet

Pushimet mund të jenë një temë që përmendet gjatë intervistës, por gjithashtu është diçka që më mirë ta shmangni.

Është e rëndësishme që dhe ju të bëni pyetje, por kjo ju bën të dukeni sikur doni menjëherë pushime.

Po filloni një punë të re ndaj nuk duhet të prezantoheni si një punonjës që mezi pret të largohet nga zyra për pushime.

/Independent

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale