Policia e Shtetit ka njoftuar se pas kryerjes së hetimeve nga Njësia për Hetimin e Krimeve Kibernetike ka rezultuar se një qytetar, në bashkëpunim me disa të tjerë, brenda dhe jashtë vendit, kanë përdorur të dhëna kartash bankare, të cilat dyshohet se janë vjedhur nga shtetas të ndryshëm jashtë territorit të Republikës së Shqipërisë. Qëllimi është përfitimi financiar duke blerë pajisje të telefonisë së lëvizshme.
Sipas njoftimit, vetëm në një kompani ata kanë kryer një dëm rreth 33 milionë lekë, ndërkohë dyshimet janë se dëme të konsiderueshme kanë dhe kompani të tjera, që shesin produkte online. Për këtë, hetimet janë në vazhdim.
Njësia për Hetimin e Krimeve Kibernetike ka kapur në flagrancë, gjatë marrjes së pajisjes, një 21 vjeçar, i dyshuar për kryerjen e veprës penale “Mashtrimi kompjuterik”.
Po sipas policies, gjatë kryerjes së veprimeve hetimore u ndalua edhe një 18 vjeçar, i cili dyshohet si bashkëpunëtor për kryerjen e veprës penale “Mashtrimi kompjuterik“ ndërsa veprimet hetimore vazhduan dhe për persona të cilët kanë furnizuar apo kanë bashkëpunuar për sigurimin e të dhënave të kartave bankare, nga ku rezultoi se këta shtetas kanë bashkëpunuar dhe me 5 shtetas të huaj
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
