3 këshilla për përmirësimin e kujtesës tuaj

3 këshilla për përmirësimin e kujtesës tuaj

kujtesë

Jim Kwik, i vetëquajtur si trajner i trurit, beson se harresa mund të jetë e kushtueshme për sipërmarrësit.

“Kam harruar” janë dy nga fjalët më të kushtueshme në jetën tonë dhe në bizneset tona,” tha Kwik gjatë seancës së fundit në serinë e webinareve të Inc. Të harroni një bisedë apo emrin e dikujt, mund të ketë një efekt negativ në jetën tuaj, shtoi ai.

Për fat të mirë, parandalimi i harresës është më i lehtë nga sa mendoni. Pavarësisht nëse keni një kujtesë të mirë apo jo, kryesorja është të keni një kujtesë të stërvitur, thotë Kwik.

“Nëse ende nuk keni një kujtesë të shkëlqyer, kjo ndodh vetëm sepse ju nuk keni mësuar se si të mbani mend “, shtoi ai.

Kwik ka përvojë me këtë: Në moshën 5 vjeç, ai pësoi një dëmtim në tru dhe kishte vështirësi në shkollë. Pasi dështoi në një detyrë, ai i tha vetes se ishte për shkak të “trurit të tij të thyer”. 25 vjet kaluan dhe ai tashmë është një autor shumë i lexuar dhe themelues i dy kompanive: Kwik Learning, një program trajnimi për leximin e shpejtë dhe përmirësimin e kujtesës dhe Superhero You, një komunitet global i studentëve.

Lexoni: The Serif dhe The Frame – ikona të kombinimit të teknologjisë dhe artit

Kwik beson se mund ta stërvitni mendjen tuaj për ta bërë një super kompjuter dhe ta shfrytëzoni atë në avantazhin tuaj. Këshillat e tij vijnë nga libri i tij i fundit, Limitless: Përditësoni trurin tuaj, mësoni gjithçka më shpejt dhe shkyçni jetën tuaj të jashtëzakonshme (Limitless: Upgrade Your Brain, Learn Anything Faster, and Unlock Your Exceptional Life ),  i cili u botua në prill.

Këtu janë tre nga këshillat e Kwik për përmirësimin e kujtesës suaj.

1. Motivimi

Ka një arsye që ju mbani mend disa emra dhe harroni disa të tjerë. Kjo lidhet me motivimin tuaj për të kujtuar, tha Kwik. Nëse mendoni se dikush do të jetë një lidhje e mirë biznesi, ka më shumë të ngjarë ta mbani mend emrin e këtij personi. Gjeni motivimin tuaj për të kujtuar, sepse, shtoi Kwik, “arsyeja korr rezultate”.

2. Vëzhgimi

Shumë njerëz fajësojnë harresën, por çelësi për të trajnuar kujtesën tuaj është në të vërtetë vëmendja, tha Kwik. Për të siguruar që do të mbani mend atë që dëshironi, përqendrohuni tek dëgjimi. Për shembull, jini dëgjues aktiv kur dikush po flet, në vend që të mendoni për përgjigjen tuaj.

3. Metodat

Kwik inkurajoi njerëzit të kërkojnë mënyra të reja të të mësuarit dhe të mos mbështeten vetëm në metodat tradicionale, që kanë mësuar në shkollë.

“Ne jetojmë në një botë të makinave autonome dhe anijeve kozmike, që shkojnë në Mars,” tha Kwik. “Por automjeti ynë, që kemi zgjedhur për arsimin është shpesh një mashtrim.”

Praktikimi madje edhe i teknikave të thjeshta, të tilla si pushimet pesë minutëshe, konsumimi i shpeshtë i ujit dhe ushtrimet, mund të përmirësojnë kujtesën, sipas Kwik.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0