Më shumë informim nënkupton më shumë ndërgjegjësim, më shumë përgjegjësi, më shumë përpjekje.
24 Tetori është Dita Botërore e Informacionit për Zhvillim.
Tragjikisht mbi 230,000 njerëz kanë vdekur që nga fillimi i krizës siriane dhe mbi 14 milionë njerëz kanë nevojë për ndihma emergjente humanitare.
Gati 37 milionë njerëz tani jetojnë me HIV. 2,6 milionë janë nën moshën 15 vjeç.
Së paku 80% e njerëzimit jetojnë me më pak se 10 $ në ditë. 40 për qind e popullsisë së varfër të botës përfiton vetëm 5 për qind të të ardhurave globale.
Rreth 795.000.000 njerëz në botë nuk kanë ushqim të mjaftueshëm për të jetuar një jetë të shëndetshme aktive. Kjo përbën rreth një në nëntë njerëz në tokë.
Sipas OBSH numri i të sëmurëve me diabet në vitin 2030 pritet të arrijë në 366.000.000 në botë, ndërsa në Shqipëri 188.000.
Kanceri përbën një ndër shkaqet kryesore të sëmundjeshmërisë dhe vdekshmërisë në botë me më shumë se 14 milionë të diagnostikuar. Një e treta e vdekjeve nga kanceri kanë 5 faktorë kryesorë si indeksi i lartë i masës trupore, konsumi i ulët i frutave dhe perimeve, mungesa e aktivitetit fizik, përdorimi i duhanit, përdorimi i alkoolit. Përdorimi i duhanit është faktori më i rëndësishëm i rrezikut për kancerin duke shkaktuar rreth 20% të vdekjeve nga kanceri në botë.
Sëmundjet kardiovaskulare janë shkaku kryesor i vdekjeve në botë, duke shkaktuar rreth 31% të vdekjeve në botë, më shumë se çdo shkaktar tjetër.
350 milionë njerëz të të gjitha moshave në botë vuajnë nga depresioni.
Duhani vret 6 milionë njerëz çdo vit, 600.000 prej të cilëve janë joduhanpirës të ekspozuar ndaj konsumit të të tjerëve.
Çdo ditë rreth 800 gra ndërrojnë jetë si pasojë e shkaqeve të parandalueshme që kanë të bëjnë me shtatzëninë dhe lindjen e fëmijëve.
Rreth 22 milionë aborte të pasigurta ndodhin në botë çdo vit.
Këto dhe shumë gjëra të tjera ndodhin çdo ditë, mundohuni të informoheni sadopak për gjendjen në të cilën ndodhemi sot.
burimi: ekonomiaonline.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
