Tarifat e automjeteve. Tension mes BE-SHBA
Përditësuar së fundmi: 24/06/2018

Tarifat e automjeteve. Tension mes BE-SHBA

Share
nga Albana Mucaj
Qer 24, 2018

Zyrtarët e Komisionit Europian kanë bërë të ditur se BE do të kundërpërgjigjet nëse Shtetet e Bashkuara rrisin tarifat për importet e makinave europiane.

Presidenti i SHBA-ve Donald Trump ka kërcënuar vendosjen e tarifës 20% për çdo makinë që prodhohen në fabrikat e BE. Kërcënimi erdhi një muaj pasi administrata e tij nisi një hetim për të zbuluar nëse importet e automjeteve përbëjnë një kërcënim ndaj sigurisë kombëtare.

Zv.Presidenti i Komisionit të KE, Jyrki Katainen ka thënë se, “nëse ata vendosin të shtojnë tarifat, ne nuk do të kemi mundësi tjetër përveç se të reagojmë”. Aksionet e kompanive të automjeteve europiane pësuan rënie në fundjavë, pasi Trump lajmëroi tarifat e reja.

Ford dhe General Motors kanë shënuar gjithashtu një ulje të vlerës së tyre në treg Ndërkohë në Tëitter, Tramo tha: “Nëse Tarifat dhe Barrierat nuk hiqen menjëherë, ne do të vendosim penalitete në 20% për të gjithë makinat e tyre që vijnë këtu”.

Mediat ndërkombtare shrkuajnë se Departamenti i Tregtisë në SHBA ka afat deri në shkurt të vitit të ardhshëm, të hetojë dhe të dalë në një përfundim: pra nëse importet e automjeteve ose pjesëve të makinave, përbëjnë rrezik për sigurinë kombëtare ose jo.

Trump ka theksuar në mënyrë të vazhdueshme importet e mëdha të makinave gjermane në SHBA.

Trump i tha prodhuesve në një takim në Shtëpinë e Bardhë më 11 Maj se po planifikon tarifa në 20-25% për disa automjete dhe kritikoi ashpër sufiçitin në automjete me Gjermaninë.  SHBA kanë aktualisht tarifa në 2.5% për makinat për pasagjerë të importuara dhe 25% për kamionçinat.

BE aplikon një tarifë 10% në automjetet e SHBA-ve. Në dekadën e fundit, prodhimi i automjeteve në SHBA është dyfishuar sipas Dhomës së Tregtisë.



Evente